AEB-en behe ganbera
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Hasi da Trump kargugabetzeko prozesua

Bill Taylor diplomazialaria izan da deklaratzen lehena, eta esan du Trumpek Ukrainan zuen interes handiena Biden zelatatzea zela, beste edozeren gainetik.
Bill Taylor, epaiketa politikorako lehen agerradian. Argazkia: Efe
author image

agentziak | erredakzioa

Azken eguneratzea

Gaur hasi da AEBetako Behe Ganberan Trumpen aurkako epaiketa politikoari bide eman diezaiokeen prozesua, lehen agerraldi publikoarekin. Ukrainari Biden zelata zezan eskatzeko presidente karguaz aprobetxatu ote zen frogatu nahi dute.

Bill Taylor Ukrainan dagoen diplomazialari estatubatuarra da lehen agerraldian deklaratu duena. Haren esanetan, Donald Trump AEBko presidenteak Ukrainan zuen interes nagusia Joe Biden presidenteorde ohiaren "ikerketak" ziren. 2020ko hauteskundeei begira izan dezakeen aurkari nagusia izan daiteke Biden.

Diplomazialariak jakinarazi duenez, Trumpek Gordon Sondlandi (AEBk Europar Batasunean duten enbaxadorea) deitu zion uztailean jatetxe batetik, eta Taylorren taldeko norbaitek entzun egin zuen gainetik.

Deiaren ostean, Taylorren laguntzaileak Sondlandi galdetu zion ea zein zen presidenteak Ukrainaz zuen iritzia, eta horrek erantzun omen zion Trumpi "gehien axola zaiona Bidenen ikerketak" zirela, AEBek Ukrainan duten ordezkari nagusiak azaldu duenez.

Ukrainak harremana estutu du AEBekin 2014tik, Moskuk Krimeako penintsula beregain hartu zuenetik; eta, gainera, 2014tik AEBek 1.600 milioi dolarreko laguntza militarra ematen dio Ukrainari.

Taylorrek esandakoaren arabera, Rudy Giuliani, Trumpen abokatu pertsonala, Ukrainarekin komunikatzeko bide "erabat irregularra" zen, eta AEBetako diplomaziak Europa ekialdeko herrialdean jarriak zituen helburu ofizialak urratzen zituen. Berez, erreforma energetikoak eta ustelkeriaren aurka borroka sustatzera joan ziren estatubatuarrak hara.

Diplomazialariak adierazi duenez, Trumpek Ukrainari eskatu zion Biden eta demokratak iker zitzan, 400 milioi dolarreko laguntza militarraren eta Etxe Zurian Zelenskiren eta Trumpen beraren arteko bileraren truke.

Gaurko agerraldia lehenengoa izan da, eta aurrerantzean izango direnak bezalaxe, telebista kate nagusietan zuzenean ematen ari dira.

Epaiketa politiko baterako agerraldiak egiten diren lehen aldia da azken 20 urteotan, azkena Bill Clintonen aurkakoa izan baitzen, Monica Lewinsky bekadunarekin izan zuen aferagatik.

Trumpen aurkako epaiketa politikoa abiarazteko prozedura onartu du AEBko Kongresuak
Deiaren transkripzioak erakusten du Trumpek dei egin ziola Ukrainari Biden iker zezan
Trump agerian
Munduko albisteak Ukrainako gerra Ameriketako Estatu Batuak Epaiketak Eguneko Titularrak Donald Trump Volodimir Zelenski

Albiste gehiago mundua

GAZA (-), 20/06/2025.- Smoke rises in the background as internally displaced Palestinians gather on a beach at sunset in Gaza City, 20 June 2025. More than 55,700 Palestinians have been killed in the Gaza Strip, according to the Palestinian Ministry of Health, since Israel launched a military campaign in the strip in response to a cross-border attack led by the Palestinian militant group Hamas on 07 October 2023. EFE/EPA/HAITHAM IMAD
18:00 - 20:00
ZUZENEAN
Duela  min.

Israelek dozenaka gazatar hil ditu, tiroka, Gaza Hirian

Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka. 

Gehiago kargatu