Bi aholkularik aitortu dute Trump-Zelenski elkarrizketa 'desegokia' izan zela
AEBetako Gobernuko segurtasun nazionaleko bi aholkularik aitortu dute Donald Trump presidenteak Volodimir Zelenski Ukrainakoari egindako deia "ezohikoa" eta "desegokia" izan zela, Joe Biden presidenteorde ohiari eta bere semeari buruz aritu zirelako.
Trumpen aurkako balizko 'impeachment' prozesurako hirugarren saio publikoan hitz egin du Alexander Vindman teniente koronelak, Ukrainarako Etxe Zuriaren Segurtasun Nazionalerako Kontseiluko adituak.
Uniforme militarra jantzita, Ordezkarien Ganberaren Inteligentzia Batzordearen aurrean adierazi duenez, Trumpek eta Zelenskik uztailaren 25ean telefonoz izan zuten elkarrizketa, zuzenean entzun zuena, "desagokia" izan zen , maila horretako agintarien arteko formaltasunetik haragoko kontuez aritu zirelako.
"Desegokia izan zen presidenteak aurkari politiko baten ikerketa eskatzea", Vindmanen arabera. Gainera, eskaera hura publiko egiteak "eragin nabarmena" izan dezakeela aitortu du.
Zentzu berean hitz egin du Jennifer Williamsek, Joe Biden presidenteordearen aholkulariak, eta deia "ezohikoa" izan zela esan du. Williamsek ere elkarrizketa entzun zuen, eta Ordezkarien Ganberako kideei adierazi die ez dela ohikoa horrelako deietan "barne politika kontuez" hitz egitea.
Williamsek gogorarazi du Mick Mulvaney Etxe Zuriko jarduneko kabineteburuak Ukrainarentzako 391 milioi dolarreko laguntza blokeatu zuela, eta sekula ez dela jakin azkenean zergatik eman zen dirutza hori irailean. Demokraten susmoa da diru hori presio gisa erabili zuela Trumpek, Ukrainari neurriak hartzera behartzeko.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.