Gutxienez 20 pertsona hil dira Albanian, 6,4 graduko lurrikara baten eraginez
Gutxienez 21 pertsona hil eta seiehundik gora zauritu dira astearte honetan Albanian, Richter eskalan 6,4 graduko indarra izan duen lurrikara baten eraginez. Gainera, hainbat erreplika izan dira Albaniako hiriburuan, Tiranan, astindu horren ostean.
Albaniako Geozientzien Institutuaren arabera, lurrikara 03:54an gertatu da (02:54 GMT), eta epizentroa Adriatikoan kokatu dute, hamar kilometroko sakoneran, hiriburutik 34 kilometro ipar-mendebaldera.
Richter eskalan 6,4 graduko indarra izan duen astindu horren eraginez, eraikin ugari erori dira, eta kaltetutako hirietako biztanleak izututa atera dira kalera.
Tokiko agintariek jakitera eman dutenez, medikuek gutxienez 600 lagun artatu dituzte Tiranako eta Durresko ospitaleetan.
Larrialdi zerbitzuek Durres hirian topatu dute lehen biktima: eraikin bat eraitsi denean lurperatuta geratu den emakume bat. Kostaldeko hiri hori izan da lurrikararen ondorioz kalte handienak jasan dituena.
"Durresen eta hortik gertu dagoen Thumane herrian lurperatuta geratu diren herritarrak erreskatatzen ari dira suhiltzaileak", zehaztu du Defentsa Ministerioko bozeramaile batek, eta biktimetako bat erabat izututa leiho batetik behera salto eginda hil dela azaldu du.
Testuinguru horretan, larrialdi zerbitzuak beste pertsona batzuk erreskatatzeko lanean ari dira, tartean, eraikin batean harrapatuta geratu diren bi familiako kideak.
Albaniako Defentsa Ministerioak jakinarazi duenez, Tirana iparraldeko Thumano herrixkan hainbat eraikin erori dira, eta larrialdi zerbitzuek bi emakumeren gorpuak berreskuratu dituzte.
Herrixka horretan erori den eraikina batean, zazpi familia bizi ziren, eta larrialdi zerbitzuko kideak biktima gehiago bilatzen ari dira hondakinen artean.
Edi Rama Albaniako lehen ministroaren hitzetan, "zoritxarrez hildakoak" eragin ditu lurrikarak, eta "kalte material larriak" utzi ditu herrialdean.
Horren esanetan, Durres kostaldeko hirira joango da berehala, lurrikararen ondorioz kalte handienak jasan dituen hiria baita. Azken orduetan, hainbat erreplika erregistratu dira, azkena 07:08an (06:08 GMT), Richter eskalan 6,4 graduko indarra izan duena.
Lurrikarak 30 bat segundo iraun du, eta horren dardara herrialde osoan sentitu da, baita Bulgarian, Bosnia-Herzegovinan, Kroazian, Italian, Kosovon, Montenegron, Serbian eta Ipar Mazedonian ere.
Albiste gehiago mundua
Iranek ez du ezer baztertzen, AEBk Irango instalazio nuklearren aurkako erasoa egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan du, eta "ondorio iraunkorrak" izango dituztela gaineratu du.
AEBk Irani egindako erasoa gaitzetsi du Guterresek, eta diplomaziaren bideari eusteko eskatu
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak "ondorio katastrofikoak" izan ditzakeela uste du, bai Iranen eta baita mundu osoan ere.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko esan dio Irani.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.