Kaliforniak etxean geratzeko agindu die herritarrei, koronabirusa dela eta
Gavin Newsom Kaliforniako gobernadoreak etxean geratzeko agindu die estatuko herritarrei, 40 milioi inguru, COVID-19 izenarekin ezagutzen den gaitzak eragindako pandemiari aurre egiteko. Koronabirusagatik lurraldean ezartzen den lehen neurri murriztailea da.
Dena dela, Newsomek azaldu duenez, salbuespen batzuk ezarri dituzte, eta, ondorioz, herritarrak gasolindegietara, farmazietara, supermerkatuetara, merkatuetara, elikagai-bankuetara, janaria etxera eramateko prestatzen duten jatetxeetara, banketxeetara eta garbitegietara joan daitezke. Kalifornian, dagoeneko 19 pertsona hil dira koronabirusaren eraginez, eta 958 kasu atzeman dituzte.
Horrez gain, senide edo lagun bat zaindu edota osasun arreta jaso behar duten herritarrek etxetik ateratzeko baimena dute. Halaber, debekutik kanpo daude "oinarrizko" azpiegitura federaleko 16 sektoretako langileak, hala nola elikadura eta nekazaritza, osasuna, garraioak edo energia.
Newsomek ez du zehaztu noiz arte egongo den indarrean debekua, baina urruntze soziala kontuan izateko eskatu die Kalifornian bizi diren herritarrei, aurretik aipatutako arrazoiren batengatik kalera irten behar badute, Los Angeles Times egunkariak jakitera eman duenez.
"Haurrak etxetik ateratzen jarrai daiteke, sen ona eta urruntze soziala gogoan izanda", adierazi du Kaliforniako estatuko gobernadoreak, eta txakurrak ere paseatzera atera daitezkeela gaineratu du. "Ziur gaude herritarrek indarrean dagoen agindua beteko dutela", nabarmendu du.
Ameriketako Estatu Batuak (AEB) COVID-19 gaitzak kutsatu gehien utzi dituen munduko seigarren herrialdea da. Izan ere, dagoeneko 14.200 kasu atzeman dituzte bertan, eta 200 baino gehiago hil dira. Nazioartean, 9.800 hildako eta 242.000 kutsatu baino gehiago daude.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.