Johnson konfinamenduaren biguntzerako neurri gehiago aztertzen ari da
Boris Johnson Erresuma Batuko lehen ministroak konfimnamenduaren biguntzerako neurri berriak aztertuko ditu astelehen honetan, Dominic Cummings bere aholkulariari babesa emateagatik kritikak jasotzen jarraitzen duen bitartean, ez baitzuen konfinamendua errespetatu.
Exekutiboko iturrien arabera, ekonomia nazionaleko zenbait sektoretan murrizketa gehiago biguntzeko planak aztertuko ditu, besteak beste, funtsezkoak ez diren produktuen saltokiak berriro irekitzea.
Johnsonek igande honetan baieztatu duenez, aurrera jarraituko du Ingalaterrako Lehen Hezkuntzako ikastetxeetako maila batzuk faseka berriz irekitzeak, ekainaren 1etik aurrera, nahiz eta neurriak zalantzak sortu irakasleen, sindikatuen eta gurasoen artean.
Gaur egungo pandemiaren aurrean herrialdea normaltasunera itzultzeko lehen ministroak egindako saiakerak lausotu egin dira, Cummingsek (figura polemikoak eta kolaboratzaile gertukoena) bere postua uzteko alderdi guztiek egindako deialdien ondorioz.
The Guardian eta Daily Mirror egunkariek asteburu honetan jakitera eman dutenez, komunikazio aditu horrek konfinamendua hautsi zuen martxoan, emaztearekin (koronabirusa zuena) eta semearekin Durhamgo (herrialdearen iparraldean) gurasoen etxera joateko, Londresetik 400 kilometrora.
Cummingsek azaldu zuenez, 4 urteko mutikoa zaintzeko laguntza bilatzeko egin zuen, birusak bera eta emaztea ezgaituko ote zituen beldurrez, eta, behin hara iritsita, familiaren egoitzaren ondoko eraikin batean isolatu ziren.
Baina, dirudienez, The Observer eta Sunday Mirror igandekarien arabera, Cummingsek berriro hautsi zituen arauak, gutxienez apirilean Durhamera egindako bigarren bidaia batekin. Akusazio horiek ukatu egin ditu eta Downing Streetek "faltsutzat" jo ditu.
Johnsonek bere laguntzailea babestu zuen igande honetan. Haren arabera, "erantzukizunez, legearen barruan eta zintzotasunez" jokatu zuen, "aitaren senak" bultzatuta eta "beste aukerarik" ez zuelako, eta baztertu egin zuen kargutik kentzea, nahiz eta gero eta presio handiagoak izan.
Oposizioko alderdiek, baita bere taldeko kideek ere, lehen ministroaren kudeaketa deitoratu dute, eta Cummings mantentzeak herritarrentzat eta gobernuko kideentzat arau ezberdinak daudela dioen mezua bidaltzen duela azpimarratu dute.
Komunitate zientifikoak adierazi duenez, Johnsonen babesak birusa geldiarazteko egindako ahaleginak murrizten ditu.
Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.