Gutxienez 100 lagun hil eta 4.000tik gora zauritu Beiruten, leherketa handi batean
Gutxienez 100 lagun hil dira eta 4.000tik gora zauritu astearte honetan Libanoko hiriburuan, Beiruten, portuko eremuan izandako leherketa handi baten ondorioz; oraingoz ez dago baieztatuta zergatik gertatu diren leherketa horiek, eta ikertzrn ari dira istripua ala atentatua izan den. Gainera, hainbat lagun desagertuta daude.
Sare sozialetan hainbat bideo dabiltza, eta, irudietan, ke-zutabe handia handia ikusten da; eta jarraian leherketa bat dago. Leherketa izan den portuko eremuan, lehergailuak omen zeuden.
BIDEOA | Mikel Ayestaran berriemaile bereziak Beiruteko eztandari buruzko azken ordukoa eman digu
Osasun ministroak hasiera batean esan duenez, biktimen kopurua "oso handia" da; ospitale guztiei agindu die zaurituak artatzeko, The Daily Star egunkariak jaso duenez.
Tokiko hedabideen arabera, dozenaka biktima daude, hildakoak eta zaurituak zenbatuta. Gurutze Gorriak unitateak bidali ditu, bilaketa- eta erreskate-lanetan laguntza emateko.
BIDEOA | Horrela geratu da Beiruteko portuaren ingurua, eztanda handiaren ostean
Lehen leherketaren ostean bertaratu diren zenbait suhiltzailerekiko kontaktua galdu egin da, Maruan Abud Beiruteko gobernatzaileak adierazi duenez, LBC Libanoko katearen esanetan.
Agintariek, oraingoz, ez dute adierazpenik egin, eta ez dago zehaztuta istripua ala atentatua izan den.
Lekukoek esan dutenez, leherketa gertatu den puntutik bost kilometrotara dauden etxebizitza batzuetan beirak apurtu egin dira. Bi kilometrotara dauden eraikinetan, kalte materialak izan dira.
Sare sozialetan zabaldutako irudietan ikusgai dago eztanda nola gertatu den. Onddo-itxurako hodei handia eragin du horrek; hedatze-uhin handia sortu du, eta hiriko hainbat auzotan kalteak egin ditu.
Ibrahim Abbas Libanoko Segurtasun Orokorreko zuzendariak adierazi duenez, "badirudi eztanda oso leherkorra den materiala zuen biltegi batean gertatu dela". Material horrek urteak zeramatzan konfiskatuta.
Agintariek agindua eman dute, Armada mobilizatzeko, zaurituak ospitaletan artatzeko, eta herritar guztiek babeslekua izateko.
Lehen ministroak nazioarteko laguntza eskatu du, "katastrofe baten aurrean": "Erantzuleek ordainduko dute"
Hasan Diab Libanoko lehen ministroak dolu-eguna ezarri du asteazkenerako, Libano osoan, leherketen biktimen omenez. Halaber, nazioarteko laguntza eskatu du: "Katastrofea izan da hau", nabarmendu du.
Diabek, horrez gain, azpimarratu du erantzuleek "prezioa ordainduko" dutela, eztanden arrazoien gaineko xehetasunik eman gabe: "Martirientzako eta zaurituentzako promesa da", esan du NNA Libanoko albiste-agentziak jaso duenez.
Lehen ministroak esan du jakinaraziko dituztela "2014tik zegoen biltegi arriskutsuaren gaineko gertakariak"; bestelako xehetasunik ez du eman.
Diabek, Michel Aounekin izandako bilera batean, adierazi du amonio-nitratoko kargamentu handi batek eragin duela eztanda; hain zuzen ere, 2.750 tonako kargamentu bat. Babestu gabe zegoen hori.
Defentsako Kontseilu Gorenak "hondamendi-eremutzat" jo du Beirut, eta, bi asterako, larrialdi-egoera ezarri.
Zure interesekoa izan daiteke
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.
Elon Muskek onartu du xAIk OpenAIren modeloak erabili dituela Grok entrenatzeko, destilazio bidez
Destilazioa AA modelo baten ikasitakoak beste bati transmititzeko praktika da; horrela, modelo txikiago batek sare neuronal handiagoen jokabidea imita dezake.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.