Italiak konfinamendua ezarri du Gabonetako egun seinalatuetarako

Hala, abenduaren 24an, 25ean, 26an, 27an eta 31n, eta urtarrilaren 1ean, 2an, 3an, 5ean eta 6an udaberrikoaren antzeko konfinamendua izango dute.

agentziak | eitb media

2020/12/19 - 01:20

Azken eguneratzea

2020/12/19 - 01:20

Italiako Gobernuak koronabirusaren aurkako murrizketa gehiago onartu ditu Gabonei begira, eta herrialde osoa ia erabat konfinatuko du egun seinalatuetan, Giuseppe Conte lehen ministroak bart iragarri duenez.

"Egoerak zaila izaten jarraitzen du, baita Europa osoan ere, eta birusa zirkulazioan dago. Ez da garaitzen uzten. Esku hartu behar dugu, eta zinez diot ez dela erabaki erraza. Horregatik hartu dugu dekretu orekatu bat", adierazi du prentsaurreko batean.

Arau berrien arabera, ia erabateko konfinamendua ezarriko da data seinalatuetan, jai egunetan eta bezperetan, abenduaren 24tik urtarrilaren 6ra, baina neurriak arindu egingo dira gainerako lan egunetan.

Guztira hamar egun izango dira "eremu gorrian", hau da, ia erabateko itxialdiarekin, eta lau egun "eremu laranjan", neurri arinagoekin.

Hala, abenduaren 24an, 25ean, 26an, 27an eta 31n, eta urtarrilaren 1ean, 2an, 3an, 5ean eta 6an udaberrian izandakoaren antzeko konfinamendua ezarriko da: eskualdeen arteko joan-etorriak debekatuta egongo dira, eta lanera joateko, edo bestelako beharretarako soilik atera ahal izango da etxetik.

Txikizkako merkataritza jarduerak itxita egongo dira, elikagaien, farmazien, parafarmazien, prentsa kioskoen eta estankoen kasuan izan ezik. Gainera, tabernak, jatetxeak, izozkitegiak, gozotegiak eta pubak irekitzeko aukera egongo da, baina eramateko zerbitzua eskaintzeko bakarrik, eta 22:00ak arte.

Gainera, jarduera fisikoa egin ahal izango da etxetik gertu, pertsonen arteko gutxieneko metro bateko distantziarekin eta babes neurriekin.

Egun "laranjetan" (abenduaren 28an, 29an eta 30ean, eta urtarrilaren 4an), dendak irekita egongo dira, eta udalerri barruko joan-etorriak baimenduta egongo dira, baina ostalaritzak aurreko baldintza berean jarraituko du.

Hala eta guztiz ere, salbuespen bat egongo da egun guztietan: senideak bisitatu ahal izango dira egun gorrietan, baina gehienez bi pertsona badira, eta 14 urtetik beherakoak ez dira zenbatuko.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Zure interesekoa izan daiteke

VATICAN CITY (Vatican City State (Holy See)), 25/12/2025.- Pope Leo XIV (rear, C-L) celebrates Holy Mass for Christmas at St. Peter's Basilica in the Vatican, 25 December 2025. (Papa) EFE/EPA/FABIO FRUSTACI

Gabonetako meza San Pedroko basilikara itzuli da 30 urte baino gehiagoren ondoren

Leon XIV.ak Aita Santu gisa eman duen lehen Gabonetako mezaren buru izan da, eta agertoki historiko bat berreskuratu du: San Pedro basilika, 1994tik liturgia hori egiten ez zen lekua. Aita Santuak Gazako sufrimendua eta munduan dauden errefuxiatuena ekarri ditu gogora bere homilian.

GAZA (-), 20/12/2025.- Members of the Palestinian Civil Defense remove the rubble of a destroyed home as they search for the bodies of Palestinians killed during the conflict in Khan Younis, southern Gaza Strip, 20 December 2025. The Civil Defence in the Gaza Strip is carrying out operations to recover the bodies of Palestinians buried beneath the rubble of homes destroyed during Israeli strikes on Gaza, estimating that nearly 100 bodies remain unrecovered. More than 70,000 Palestinians have been killed in the Gaza Strip since October 2023, according to the Palestinian Ministry of Health, and about 1,200 Israelis have been killed since the launch of an Israeli military campaign in response to a cross-border attack by Hamas on 07 October 2023. EFE/EPA/HAITHAM IMAD

Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute

Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.

Gazarako su-etenak bueltan ekarri ditu Gabon ospakizunak Betleemera

Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.

HANDOUT - 23 December 2025, United Kingdom, London: A Handout photo issued by Prisoners for Palestine shows climate activist Greta Thunberg being detained by City of London Police officers during a protest in support of the Palestine Action protesters on hunger strike in prison. Photo: Handout/Prisoners For Palestine/Prisoners for Palestine via PA Media/dpa - ATTENTION: editorial use only in connection with the latest coverage about (the transmission/the film/the auction/the exhibition/the book) and only if the credit mentioned above is referenced in full

Greta Thunberg atxilotu dute Londresen, kartzelan dauden Palestine Actioneko kideen aldeko protesta batean

Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.

Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura

Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.

MOSCOW (Russian Federation), 22/12/2025.- Russian investigators work near a destroyed car after a blast from an explosive device planted beneath the vehicle in a residential area of Moscow, Russia, 22 December 2025. The head of the Russian General Staff's Operational Training Directorate, Lt. Gen. Fanil Sarvarov, was killed in a car explosion in Moscow, the Russian Investigative Committee reported. (Rusia, Moscú) EFE/EPA/MAXIM SHIPENKOV

Errusiako Estatu Nagusiko operazio burua hil dute Moskun, bonba-auto batekin egindako atentatu batean

Hasiera batean, Errusiako Instrukzio Batzordeak Ukrainako inteligentziari egotzi dio erasoa.

IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan

Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.

Este de Jerusalem y asentamiento de Ma'ale Adumim Israel

Israelek beste 19 kokaleku legeztatu ditu Zisjordanian

Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.

AEBk hirugarren petrolio-ontzi bat atxiki du Venezuelan

Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.

130.000 pertsona inguru argindarrik gabe geratu dira San Frantziskon

Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.