Nafarroako Gobernuak covid-19aren kontrako neurriak malgutuko ditu gaurtik aurrera
Nafarroako Gobernuak covid-19ari aurre egiteko prebentzio neurriak malgutuko ditu ostegun honetatik aurrera. Hala, taberna eta jatetxe barrualdeak irekiko dituzte, Gabonetako jaiegunetan mugikortasuna baimenduko dute eta erresidentzietan bisitak eta irteerak areagotzea ahalbidetuko dute.
Maria Chivite Gobernuko presidenteak sinatutako dekretu berria ostegun honetan sartuko da indarrean.
Ia bi hilabetez itxita egon ostean, taberna eta jatetxe barruan kontsumitzeko aukera egongo da. Gehienezko edukiera % 30ekoa izango da eta ordutegia 22:00ak arte luzatuko dute.
Bingoak eta joko-areto eta apustu-etxeak ere zabalduko dituzte, % 30eko edukierarekin eta 22:00ak arte.
Halaber, edukiera % 50era igoko dute dendetan; arautu gabeko akademia eta eskoletan; zinema, antzoki eta entzunaretoetan; eta hoteletako gune komunetan.
Edukiera % 75ekoa izango da umeentzako parkeetan eta aire zabaleko kirol-guneetan.
Kirola eta kultura
Kirolari dagokionez, profesionalak ez diren lehiaketa eta ekitaldietan publikoa egotea baimenduko dute, % 50eko edukierarekin. Toki itxietan gehienez 200 pertsona elkartu ahalko dira, eta aire zabalean 400.
Kultur jardueretan ere muga bera ezarriko dute: 200 lagun leku itxietan eta 400 kanpoan. Inaugurazioak eta ospakizun sozialak antolatu ahalko dira, jateko eta edateko zerbitzurik eskaini gabe, % 50eko edukierarekin eta eserlekuak aurrez zehaztuta. Ekitaldia zutik egingo bada, pertsona bakoitzeko hiru metro karratu gorde beharko dira.
Biltzarrak, akziodunen batzarrak, hitzaldiak eta antzeko ekimenak egin ahalko dira, baina telematikoki egitea gomendatzen dute. Bilerak aurrez aurrekoak badira, edukiera muga % 50ekoa izango da. Halaber, gehienez 200 pertsona elkartu ahalko dira eta eserita egin beharko dute batzarra, 1,5 metroko segurtasun tartea zainduta.
Mugikortasuna eta Gabonetako ospakizunak
Konfinamendu perimetralak indarrean jarraituko du, baina abenduaren 23tik 26ra eta abenduaren 30etik urtarrilaren 2ra bitartean Nafarroatik irten eta bertara sartzeko aukera egongo da, senideekin elkartzeko dela ziurtatzen duen agiria eramanez gero.
Gaueko zirkulazioa galarazita egongo da 23:00etatik 06:00etara bitartean, baina Gabon gauean eta Gabon zaharrean etxeratzeko agindua 01:30era arte luzatuko dute.
Abenduaren 24ko, 25eko eta 31ko eta urtarrilaren 1eko bazkari eta afarietan, gehienez bi familia unitateko 10 pertsona elkartu ahalko dira.
Zure interesekoa izan daiteke
30 lagunetik gora harrapatuta geratu dira Zumaiako flyschean
Algorri hondartzan egiten ari dira erreskatea. Bertan, ezustean harrapatu ditu mareak txangozaleak.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.