Bonba bat zuen ibilgailu batek Nashville astindu eta hiru zauritu arin utzi ditu
Bonba bat zuen autokarabana batek Nashville (AEB) astindu du ostiral honetako lehen orduan, eta hiru zauritu arin utzi ditu, baita dozenaka saltoki kaltetu, kristal hautsiak eta eroritako zuhaitzak ere.
Agintariek oraindik ez dute arduradun bat aipatu, baina hainbat pertsona galdekatzen ari dira Nashvilleko polizia-etxean, Tennesseeko hiriburuan.
John Drake poliziaburuak prentsaurreko batean azaldu duenez, hiriaren erdialdea miatzen ari dira, eta bertako kaleak itxi dituzte, baina ez dago beste lehergailurik egon daitekeenaren zantzurik.
06:00ak baino pixka bat lehenago (12:00 GMT), poliziak inguru horretan tiroka ari zirela zioen dei bati erantzun dio, baina hara iritsitakoan, ez dute tiroketa baten zantzurik ikusi, eta AT&T telekomunikazio enpresaren eraikin baten aurrean ibilgailu susmagarri bat zegoela aparkatuta konturatu dira.
"Hurrengo 15 minutuetan bonba batek eztanda egingo zuela" abisatzen zuen grabazio bat zuen ibilgailu horrek, Drakek azaldu duenez.
Berehala, agenteak eraikin guztietan atez ate jotzen hasi dira bizilagunak ebakuatzeko, eta 30 minutu geroago leherketa gertatu da.
Prentsaurreko berean, Don Aaron Nashvilleko poliziaren bozeramaileak oraindik ez dakitela inor zegoen autokarabanaren barruan leherketa gertatu denean esan du.
Aaronek adierazi duenez, "nahita egindako ekintza" izan da, eta kaltetutako zonaldean kalte "esanguratsuak" izan dira, suhiltzaileek suak itzali behar izan baitituzte, zuhaitzak erori dira eta dozenaka establezimenduk kristal hautsiak eta hormak beltz dituzte.
Gutxienez hiru pertsona zauritu dira eta gertuko ospitaleetara eraman dituzte, baina horietako bat ere ez dago egoera larrian.
Ikerketa Buru Federalak (FBI) gidatuko du ikerketa, eta segurtasun indar ugari ari dira parte hartzen.
Zure interesekoa izan daiteke
Mette-Marit Norvegiako printzesa, Elon Musk eta Jose Maria Aznar: Epstein pederastaren artxiboetan agertutako azken izenak
Jeffrey Epstein sexu-delitugilearen artxiboetako hiru milioi orrialde baino gehiago argitaratu ditu AEBk. Bertan, politikarien eta Europako monarkien izen berriak agertzen dira, Epsteinek boteretsu eta aberatsekin landutako sare handiaren isla.
Liam Conejo bost urteko mutikoa eta bere aita aske utzi dituzte eta Minnesotara itzuli dira
Fred Biery Texasko epaile federalak Liam eta Adrian Conejo behin-behinean aske uzteko agindua eman zuen larunbatean, irekitako immigrazio prozedura ebazten den bitartean. Aita-semeak ICEk atxilotu zituen Minnesotan, eta horrek haserrea eragin zuen herrialde osoan.
Rafahko pasabidea ireki dute, ia bi urtez itxita egon ondoren
Egiptoko segurtasun iturriek jakitera eman dutenez, egunean 150 pertsona atera ahalko dira Gazako Zerrendatik, eta 50 sartu.
Trumpek Irani eraso egiteko mehatxua berretsi du, Khameneik gatazka eskualde osora zabalduko dela ohartarazi ostean
Teheranekin gai nuklearren inguruan itun bat lortzea espero duela adierazi du AEBko agintariak, baina gehitu duenez, "akordiorik lortzen ez badugu, orduan jakingo dugu Khameneik arrazoia zuen ala ez".
Costa Ricak eskuinerako bidean jarraitzen du, eta Laura Fernandez izango du presidente
Lehen itzulian gehiengo zabalez irabazi du, eta aldaketa "sakonak eta atzeraezinak" agindu ditu. Oposizioak, berriz, ohartarazi du ez duela onartuko "bidegabekeriarik".
Liam Conejo haurra eta bere aita aske utzi dituzte eta Minneapolisen dira dagoeneko
Dilleyko zentrotik (San Antonioko hegoaldean, Texas) askatu dituzte aita-seme ekuadortarrak, Fred Biery epaile federalak larunbatean emandako agindua betez.
Drone errusiar batek 15 meatzari hil ditu Ukraina erdialdean
Energia sistemak helburu dituzten erasoak denbora baterako etenda egon beharko lirateke, AEBk, Errusiak eta Ukrainak adostutakoa betez gero. Muturreko hotza tarteko, ituna egin zuten hiru herrialde horiek, eta Kremlinaren arabera, gutxienez gaur arte iraun beharko luke meniak.
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.