Kontua behin betiko itxi dio Twitter sare sozialak Trumpi
Donald Trump Ameriketako Estatu Batuetako presidentearen Twitter kontua behin betiko itxi dute, “indarkeriara bultzatzeko” arriskua dagoela iritzita.
Iragan asteazkenean, Kapitolioaren aurkako erasoan zehar Trumpen txioak ezabatu zituzten arrazoi berdinagatik, eta kontua 12 orduz bertan behera utzi zuten.
Bestalde, Instagramek eta Facebookek debekua gutxienez Trumpen agintaldia bukatu arte luzatu dute.
Presidentetzaren kontu instituzionalaren (@POTUS) bidez erantzun du presidenteak berehala. Bera eta bere boto-emaileak “isilaraztea” leporatu dio Trumpek Twitterri.
Txio horiek ere azkar batean ezabatu ditu plataformak. Ondoren Etxe Zuriko prentsa zerbitzuak argitaratu ditu.
“Adierazpen askatasuna debekatzeko” orduan “urrunago eta urrunago joatea” egotzi dio Trumpek Twitterri.
Plataforma propioa garatzen ari dela eta isilduko ez dutela ziurtatu du presidenteak. Erabiltzaileen edukiarengatik sare sozialak erantzukizun penalik gabe uzten dituen 230 sekzioa indargabetzearen alde mintzatu da agintaria.
Egoera George Orwellek 1984 eleberrian deskribatutako munduarekin alderatu du Donald Trump Junior presidentearen semeak. Diktadura askok Twitter kontuak izatea eta AEBetako presidentearena itxi izana kritikatu du handi-mandiaren semeak.
Sare sozialak agiri batean azaldu duenez, kontu publikoak “ez daude legeen gainetik”. “Aste honetako gertakari lazgarriek” erabakia hartzera eraman dutela erantsi du Twitterrek.
Twitterrek ohartarazi duenez, manifestari armatuak urtarrilaren 17an bigarren eraso bat proposatzen hasi dira beste sare sozial batzuetan.
Powellen eta Flynnen kontuak, bertan behera
Ez diote bakarrik Trumpi kontua itxi, haren inguruko beste pertsona batzuei ere bertan behera utzi dizkiete. Horrela, Sidney Powell abokatuarena eta Michael Flynn Segurtasun Nazionaleko aholkulari ohiarena bertan behera utzi ditu Twitterrek. Powellek hauteskundeetako iruzurraren teoria defendatzen du, eta Flynnek Trumpi gerra-legea ezartzea proposatu zion. AEBetako presidenteak Flynn duela gutxi indultatu zuen.
Trumpen kanpainako kontua ere blokeatu du Twitterrek, ezabatutako mezuak berriz argitaratu ondoren.
Parler, aldi baterako bertan behera
Era berean, Google konpainiak Parler sare sozialaren aplikazioa aldi baterako bertan behera utzi du, edukiak moderatzeko sistema bat ezarri arte. Trumpen jarraitzaileek erabiltzen zuten. Bitartean, 24 orduko epea eman dio Applek aplikazioari, Googlen erabaki bera hartu baino lehen.
Azkenik, beste plataforma batzuek, Redditek edo Discordek esaterako, presidentearen jarraitzaileek erabilitako foroak itxi dituzte.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.