Espainiak, Frantziak, Alemaniak eta Italiak AstraZenecaren txertaketa eten dute

Europako Sendagaien Agentziaren esku utziko dute azken erabakia, eta erakundeak iragarri du ostegunean emango duela egiten ari den azterketaren emaitzaren berri.

agentziak | eitb media

2021/03/15 - 17:45

Azken eguneratzea

2021/03/15 - 20:34

Espainiako eta Frantziako estatuek, Alemaniak eta Italiak bertan behera utzi dute, badaezpada ere, AstraZenecaren txertaketa.

Espainiako Estatuak eten egin du behin behinean (15 egunez) AstraZenecak koronabirusaren aurka garatu duen sendagaiaren txertaketa, herrialde batzuetan txertoa jaso zutenen artean tronbosi kasuak atzeman ostean, Europa Pressek jakitera eman duenez.

Horixe erabaki dute Espainiako Gobernuak eta erkidegoek Osasunaren Sistema Nazionalaren Lurralde Arteko Kontseiluan, Carolina Darias Osasun ministroak premiaz deitu duen batzarrean.

Batzar horren ostean, Eusko Jaurlaritzaren Osasun Sailak AstraZenecaren txertoarekin egiten ari ziren kanpaina aldi baterako gelditzeko agindua eman du.

Frantziak ere bertan behera utzi du covid-19aren aurkako AstraZenecaren txertaketa, Europar Batasuneko sendagaien agentziak sendagai horren egokitasunaren inguruan ebazpena kaleratu arte, Emmanuel Macron Frantziako presidenteak gaur iragarri duenez. Aipatu agentziak ostegunean emango du bere ondorioen berri.

Macronen hitzetan, Olivier Veran Osasun ministroaren aholkuari jarraituz hartu dute erabakia.

"Laster berriro txertatzen hastea espero dugu, EMAren aldeko iritzia izanez gero", gaineratu du Frantziako estatuburuak.

Italiak ere eten egin du, ardura neurri gisa, AstraZenecaren txertaketa Europan azkenaldian izan diren tronbosi kasuengatik. Italiako sendagaien agentziak aurreko astean txertaketatik kendu zuen txerto horren sorta bat, Sizilian militar bat eta polizia bat hil ostean.

"AIFAk (Italiako sendagaien agentziak) AstraZenecaren koronabirusaren aurkako txertoaren erabileraren debekua herrialde osora zabaltzea erabaki du badaezpadako eta behin behineko neurri gisa, Europako Sendagaien Agentziaren erabakiaren zain", adierazi du ohar batean.

Alemaniaren kasuan, behin behineko neurria izango da tronbosien kasuak izan direlako hartu duena, Osasun Ministerioak jakinarazi duenez.

Alemaniako Gobernuak PEI institutuaren aholkua jarraituz hartu du erabakia, hori baita herrialdean eskumena duena. PEIk uste du beharrezkoa dela txertoaren eta tronbosi kasuen arteko harremana behar den bezala aztertzea.

Hala ere, Osasun Ministerio alemaniarrak azpimarratu du azken erabakia Europako Sendagaien Agentziarena izango dela, hori baita erabakiko duena tronboen informazioak "txertoaren baimenari eragiten dion eta, eragitekotan, zein neurritan".

Frantziak, Alemaniak eta Italiak bat egin dute horrela Herbehereek, Irlandak, Danimarkak, Norvegiak eta Islandiak hartu duten erabakiarekin.

Europako Sendagaien Agentziak oraingoz 30 tronbosi kasu atzeman ditu AstraZenecaren dosia jaso duten pertsonen artean. Europar Batasunean guztira bost milioi dosi banatu dira.

Agentziak jakinarazi du tronbosi kasuen kopurua txertatuen artean ez dela "herritar guztien artean baino altuagoa", baina gertatutakoa aztertu beharra dagoela.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Zure interesekoa izan daiteke

GAZA (-), 20/12/2025.- Members of the Palestinian Civil Defense remove the rubble of a destroyed home as they search for the bodies of Palestinians killed during the conflict in Khan Younis, southern Gaza Strip, 20 December 2025. The Civil Defence in the Gaza Strip is carrying out operations to recover the bodies of Palestinians buried beneath the rubble of homes destroyed during Israeli strikes on Gaza, estimating that nearly 100 bodies remain unrecovered. More than 70,000 Palestinians have been killed in the Gaza Strip since October 2023, according to the Palestinian Ministry of Health, and about 1,200 Israelis have been killed since the launch of an Israeli military campaign in response to a cross-border attack by Hamas on 07 October 2023. EFE/EPA/HAITHAM IMAD

Gutxienez hildako bat Gazan eta Israelek Libanon egindako eraso berriek eskualdearen krisia berpiztu dute

Palestinar bat hil da Israelgo Armadak jaurtitako tiroen ondorioz, Israelek Hamasi su-etena haustea leporatzen dion bitartean eta Libano hegoaldean Hezbolaren posizioak bonbardatzen dituen bitartean.

Gazarako su-etenak bueltan ekarri ditu Gabon ospakizunak Betleemera

Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.

HANDOUT - 23 December 2025, United Kingdom, London: A Handout photo issued by Prisoners for Palestine shows climate activist Greta Thunberg being detained by City of London Police officers during a protest in support of the Palestine Action protesters on hunger strike in prison. Photo: Handout/Prisoners For Palestine/Prisoners for Palestine via PA Media/dpa - ATTENTION: editorial use only in connection with the latest coverage about (the transmission/the film/the auction/the exhibition/the book) and only if the credit mentioned above is referenced in full

Greta Thunberg atxilotu dute Londresen, kartzelan dauden Palestine Actioneko kideen aldeko protesta batean

Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.

Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura

Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.

MOSCOW (Russian Federation), 22/12/2025.- Russian investigators work near a destroyed car after a blast from an explosive device planted beneath the vehicle in a residential area of Moscow, Russia, 22 December 2025. The head of the Russian General Staff's Operational Training Directorate, Lt. Gen. Fanil Sarvarov, was killed in a car explosion in Moscow, the Russian Investigative Committee reported. (Rusia, Moscú) EFE/EPA/MAXIM SHIPENKOV

Errusiako Estatu Nagusiko operazio burua hil dute Moskun, bonba-auto batekin egindako atentatu batean

Hasiera batean, Errusiako Instrukzio Batzordeak Ukrainako inteligentziari egotzi dio erasoa.

IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan

Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.

Este de Jerusalem y asentamiento de Ma'ale Adumim Israel

Israelek beste 19 kokaleku legeztatu ditu Zisjordanian

Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.

AEBk hirugarren petrolio-ontzi bat atxiki du Venezuelan

Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.

130.000 pertsona inguru argindarrik gabe geratu dira San Frantziskon

Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.

Bekkersdal (South Africa), 21/12/2025.- A handout photo made available by South African Police Services (SAPS) shows the overnight shooting crime scene in Bekkersdal, South Africa, 21 December 2025. The incident occurred around 01 am on 21 December, when at least nine people were killed and ten others injured as two vehicles approached the tavern and opened fire. (Sudáfrica) EFE/EPA/SOUTH AFRICAN POLICE SERVICES / HANDOUT BEST QUALITY AVAILABLEHANDOUT EDITORIAL USE ONLY/NO SALES

Gutxienez bederatzi pertsona hil eta hamar zauritu dituzte Johannesburgetik gertu egindako eraso batean

Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.