Parlamentua eta udalak berritzeko bozak ditu gaur Marokok
Ia 18 milioi marokoar daude deituta asteazken honetan hauteskunde orokor, erregional eta lokaletan bozkatzera.
Hautetsontziak ireki dituzte 08:00etan (07:00 GMT), eta 19:00etan (18:00 GMT) itxiko dituzte. Gauean iragarriko ditu Barne Ministerioak behin-behineko emaitzak, balizko irabazlearen berri eman barik, Marokon zundaketak debekatuta baitaude. Hala ere, uste da azken hamarkadan gobernuan egon den PJD alderdiak atzerakada izan dezakeela.
Hauteskunde legegileetan, hautesleek Ordezkarien Ganberako (Parlamentuko behe ganbera) 395 eserlekuak beteko dituzten diputatuak aukeratuko dituzte.
Erregionaletan, 9.892 hautagai lehiatuko dira herrialdeko 12 eskualdeetako kontseiluetako 678 eserlekuak lortzeko, eta lokaletan, berriz, Marokoko boto-emaileek 157.569 hautagairen artean hautatuko dituzte herrialdeko 31.000 zinegotzi baino gehiago.
Marokon nahitaezkoa da errolda batean izena ematea botoa eman ahal izateko. Guztira, 17.509.127 pertsona daude erregistratuta 18 urtetik gorako 25,2 milioi marokoarretatik, hau da, adin nagusiko biztanleen % 69,5.
Hauteskunde-prozesua, hiru bozak lehen aldiz batzen dituena, osasun-neurri gogorren artean egiten ari da, covid-19aren ondorioz, eta kanpainaren zatirik handiena, hamar egun iraun duena, modu birtualean egin dute.
Hauteskunde-programan, PJDko islamistek, Saadedin el Otmani presidenteak gidatuta, aurreko bi gobernuetan lortutako "lorpenak" defendatu dituzte. Halaber, Administrazioaren kudeaketa eraginkorrean aurrera egiteko, ekonomia dibertsifikatzeko, ekonomia soziala eta digitala hobetzeko eta Marokoko ekonomiaren lehiakortasuna indartzeko konpromisoa hartu dute.
Hauteskundeak irabazteko faborito nagusia, aldiz, 2016ko azken hauteskundeetan laugarren postuan geratu bazen ere, Independenteen Konbergentzia Nazionala (RNI) da, Marokoko enpresariak eta goi-kargudunak batzen dituena.
Horrek bere programan zehaztu duenez, osasun krisiak "gure eredu ekonomiko eta sozialaren akatsak azaleratu ditu, batez ere ezkutuko ekonomiaren tamaina eta gizarte segurantzako sistemarik eza".
Erronka horiei erantzuteko, Aziz Ajanuchek, Marokoko gizonik aberatsena eta 2007tik Nekazaritza ministroa denak, bost promesa egin ditu: babes soziala orokortzea, osasun- eta hezkuntza-sistema hobetzea, enplegua sortzea eta administrazio publikoa erreformatzea.
Emakumeen ordezkaritza
Azken hauteskunde-erreformak emakumeentzat gordetako eserlekuen kopurua handitu zuen: 90 izango dira, gaur egungo 60 eserlekuen ordez. Guztira, 395 eserleku daude; beraz, Marokoko Legebiltzarreko eserlekuen % 22,7 izango dira emakumeenak.
Emakumeen kuoten ehuneko hori eserlekuen heren batera igotzen da eskualdeko eta tokiko hauteskundeen kasuan, baina Marokoko feministen ustez ez da nahikoa, eta Konstituzioan agindutako parekidetasuna nahi dute.
Horien ahotsek oihartzun mediatiko handirik ez duten arren, boikot deiak daude Justizia eta Karitatea mugimendu islamistak eta ezker muturreko Via Democraticak deituta; izan ere, kanpaina eta traolak egin dituzte sare sozialetan, ez bozkatzeko deia eginez.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.