Estatu Islamikoak meskita xiita bati eraso egin dio, eta dozenaka pertsona hil ditu Afganistanen
Estatu Islamikoak meskita xiita baten kontrako erasoa bere gain hartu du ostiral honetan. Atentatuak dozenaka hildako utzi ditu Afganistango iparraldean. Iturri batzuen arabera, 40 pertsona hil ditu erasoak, beste batzuek, ostera, gutxienez 80 hildako eta 100 bat zaurituren berri eman dute. Jihadisten bigarren eraso handia izan da, talibanek abuztuaren 15ean Kabulen kontrola bereganatu zutenetik.
Propaganda kanaletan, Internet bidez, zabaldutako agiri labur batean, suizida batek lehergai txaleko batekin egindako erasoak 300 biktima baino gehiago utzi dituela aldarrikatu du EIk.
Estatu Islamikoak berak zehaztu duenez, terrorista suizida batek bere txalekoa zartarazi du meskita barruan, "arnegatuen" artean. Islameko jarraitzaile xiitak "fede-ukatzaileak" direla dio erakunde armatuak.
Esan bezala, Talibanek abuztuaren 15ean Kabulen kontrola bereganatu zutenetik erasorik odoltsuenetarikoa izan da. EIk hiriburuko aireportuari eraso egin zion abuztuaren 26an, eta beste 170 pertsona inguru hil zituen.
Gaurko eraso suizida meskita baten barrualdean gertatu da, otoitz kolektiboaren orduan, Sayed-Abadeko zonaldean, Kunduzen.
Leherketaren osteko bideotan, odolez estalitako dozenaka gorpu ikus daitezke, gorputz-adarrak moztuta eta lur gainean, hondakinen eta oihuen artean.
Talibanek Estatu Islamikoaren aurkako operazioak abiatu dituzte
Abuztuaren 31n, Ameriketako Estatu Batuetako tropak Afganistanetik atera zirenetik, talibanek talde jihadistaren kontrako operazio masiboak aurrera eraman dituzte, erasoei aurre egiteko; izan ere, Gobernuarentzako mehatxu nagusia da.
Gutxienez lau probintziatan operazioak abiatu dituzte: Kabul, Kunar, Nangarhar eta Parwanen. Azken horretan, jihadistek presentzia handiagoa dute, eta talibanen aurkako zenbait eraso aldarrikatu dituzte.
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.