Britainia Handia eta Ipar Irlanda arteko mugan aduana kontrolak murriztea proposatu du Europako Batzordeak
Brexitaren ondotik, tentsioa ez da baretu Europar Batasunaren eta Erresuma Batuaren artean. Boris Johnson buru duen gobernuak Ipar Irlandarako beste protokolo bat eskatu berritan, Europako Batzordeak proposamen bat aurkeztu dio gaur egun indarrean dagoen akordioa malgutzeko. Zehazki, Ipar Irlandako mugan Britainia Handitik datozen ondasunei ezartzen zaizkien kontrolak % 80 gutxitu nahi ditu Europako Batzordeak. Trukean, Bruselak hainbat eskaera egin dizkio Gobernu britainiarrari: mugako kontrol postuek funtzionatzea, hornidura katea gehiago gainbegiratzea eta paketatzeko eta etiketatzeko baldintzak betetzea.
Erresuma Batua Europar Batasunetik atera zenetik nabarmen hazi da burokrazia mugan, eta hori tentsio politikoa eta hornidura eskasia eragiten ari da Ipar Irlandan.
Boris Johnsonen gobernua atzeratzen ari da Ipar Irlandarako Protokoloaren aplikazioa. Atzo bertan, David Frost brexiterako ministro britainiarrak beste protokolo bat martxan jartzea eskatu zion Europar Batasunari.
Atzoko proposamenaren inguruan Londresko gobernuarekin eztabaidatu nahi du datozen asteetan. Azken helburua urtea amaitu baino lehen akordioa lortzea da.
Proposamen berriarekin, Britainia Handitik Ipar Irlandara esnekiak, arraina, haragia, frutak edo barazkiak, esaterako, garraiatzen dituen kamioi batek ziurtagiri bakar bat nahikoa izango du. Agiri horretan, produktu horiek guztiek Europar Batasuneko legedia betetzen dutela zehaztu beharko da.
Horrela, dokumentuen kontrolak birtualak izango lirateke aurrerantzean ere, eta azterketa fisikoak eta nortasun azterketak % 80 gutxituko lirateke horrela.
Erresuma Batuko Gobernua Europako Batzordearen proposamena aztertzen ari dela ziurtatu du Gobernuaren bozeramaile batek.
Zure interesekoa izan daiteke
Zentro-ezkerreko oposizioaren edo egungo eskuineko gobernuaren artean erabakiko dute gaur Suediarrek
Zentro-ezkerrekoak faborito dira inkestetan, alde txikiarekin. Azkenean, eskuinak irabaziko balu, ultraeskuina sar daiteke gobernuan.
Eskozia, Gales eta Ipar Irlandako liderrek independentziaren aldeko memorandum bat sinatuko dute
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.