46 meatzari eta 6 erreskatatzaile hil dira Errusiako ikatz meategi batean izandako leherketan
Kemerovo (Siberia Mendebaldea) Errusiako eskualdeko agintariek hiltzat jo dituzte 46 meatzari eta 6 erreskatatzaile, ikatz meategi batean leherketa bat izan ostean.
"Hiltzat jo ditugu desagertutako 35 meatzariak, eta, beraz, hildakoak, denera 52 lirateke (46 meatzari eta 6 erreskatatzaile)", esan du Serguei Tsiviliov eskualdeko gobernadoreak Telegrameko bere kanalean.
Agintariek adierazi dutenez, 38 meatzari eta 11 erreskatatzaile ospitaleratu dituzte.
"Metano leherketa bat da istripuaren arrazoi posiblea, baina arrazoi zehatza batzorde batek argituko du", esan du gobernadoreak, eta armadako hiru sorosle talde bidali dituela jakinarazi du.
Tsiviliovek esan duenez, sorosleek "modu naturalean metanoz bete zen meategi zatiak isolatuko dituzte. Hemendik hiru bat egunera gasaren maila % 20 igoko da eta leherketa arriskua jaitsiko da", eta orduan zehaztuko dute bilaketa lanekin nola jarraitu.
Hiru egun horietan, sorosleek sutearen ondorioak gutxitzeko lanean jarraituko dute, sute berriak sortzeko arriskua murrizteko. Gainera, putzu bat zulatuko dute sute berririk balego itzaltzeko.
Errusiako Larrialdi Egoeretarako Ministerioko lurralde departamentuak azaldu duenez, istripua izan denean 285 langile zeuden meategian, horietatik 236 berehala atera dituzte.
Listviazhnaya meategiko arduradunen arabera, sutea 250 metroko sakoneran gertatu da, aireztapen sisteman leherketa bat izan ostean.
1956. urtean Gramoteinskaya 1-2 izenarekin zabaldu zen meategi hau berreraiki eta modernizatu egin dute ordutik, eta azken istripu larria 2004an izan zen bertan; 13 langile hil ziren orduan leherketa batean.
Zure interesekoa izan daiteke
Hantabirus kasu bat atzeman dute Suitzan
Pazientea hainbat kutsatze detektatu diren gurutzaontzian bidaiatu zuen, eta Zurichen tratatzen ari dira, medikuen zaintzapean.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.