Diruaren prezioa
Futbolari buruz ia edozer gauza esan daiteke eta seguruenera guztiak egia izango dira. Ukaezina da, hala ere, bere inguruan gertatzen denak oihartzun handia duela, jarraitzaile asko duelako mundu guztian. Horregatik agian, kirol jarduera horretan gertatzen denak ez gaitu harritzen, beste edozein giza arlotan gertatuko balitz onartezina irudituko balitzaigu ere.
Joan zen astean, Espainiako futbol txapelketako partida batzuk Saudi Arabiara eramatea erabaki zuen kirol honetako federazioak. Superkopa deritzan lehiaketako hiru norgehiagokak. 10 urteko iraupena duen akordioaren bidez, Federazioak eta talde partehartzaileek 400 milioi euro jasoko dituzte. Saudi Arabia, Erdi Aroan bizi den estatu islamikoa da. Bere lege nagusia Xaria da, VII. mendean idazten hasi zen araudia eta gaur egun oraindik, beste edozein legearen gainetik dagoena.
Edozein lekutako agintariek eta erakundeen arduradunek, beraien portaeraren berri eman edo hartutako erabakiak arrazoitu behar dituztenean, ia beti taldearen, gizartearen edo ordezkatzen duten elkartearen onurak, aukerak eta irabaziak azaltzen dizkigute. Oraingo honetan esan digute, handik iritsitako diruak hemengo futbol xumeena babesteko eta indartzeko balioko duela; Arabiara horrelako txapelketa eramateak, aldiz, herrialde hura irekitzeko edo aire freskoa sartzeko balioko duela ere esan digute. Ez bata ez bestea ez dira egia, baina itxuraz inori ez zaio hori axola, azken finean handik iristen zaizkigun irudiak beste edozein lekutan ikusiko genituzkeenak direlako. Futbol zelaitik haratago zer dagoen ez digutelako erakusten eta egia esan da ez zaigulako gehiegi interesatzen.
Ekonomia eta etekina, erabaki eta ekintza gehienen neurri eta galbahe bihurtu diren garai hauetan, beste guztia iritsi huts bilakatu da. Baten batek zerbait adierazi ezkero, berehala parean kontrakoa izango du. Bat aditua, jakintsua edo ondo prestatutakoa izan eta bestea alproja galanta izan arren, bien iritziak balio bera dute gaur egun. Ez da ezer egiaztatu behar, ez dira egia eta gezurra bereizten, eta aktore ezagun hark zion moduan "hauek dira nire sinesmenak, nire printzipioak, baina gustatzen ez bazaizkizu beste batzuk ditut". Horrek dirudi gaur egungo jokabide ororen oinarria. Aktore berak esan zuen "ez nintzateke sekula izango, ni bezalako pertsona onartuko zukeen elkarte bateko kide".
Zoritxarrez ez dugu aukerarik gure ingurua ezabatu edo gure izenean erabakiak hartzen dituztenak epaitu, eta hartu dituzten erabaki horien ondorioen neurri berean zigortzeko. Saudi Arabia, beraz, herrialde aberatsa, beroa eta erosoa da, beste guztia iritzia besterik ez da.
Zure interesekoa izan daiteke
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.