Bidenek uste du Errusia Ukrainan indarrez sar litekeela
Joe Biden AEBko presidenteak asteazkenean onartu zuen akatsen batzuk egin dituela legealdiaren lehenengo urtean, eta Errusiak Ukraina indarrez hartzeko aukera dagoela aurreikusi du.
Ia bi orduko prentsaurrekoan, Bidenek bere agintaldiaren balantzea egin zuen atzo, pandemia, ekonomia, inflazioa, gastu sozialari buruzko lege-proiektuak eta boto-eskubidea hizpide hartuta. Halaber, Latinoamerikarekin, Errusiarekin, Txinarekin, Iranekin eta Yemenekin dituen harremanez hitz egin zuen.
"Erronkaz betetako urtea izan da, baina aurrerapauso asko eman ditugu", ziurtatu zuen Bidenek. Hain zuzen ere, gaur, osteguna, beteko du urtebete boterean.
Nazioartera begira, Bidenek aurreikusi du Errusiak Ukraina indarrez hartzeko arriskua dagoela. Horregatik, "tentsioak baretze aldera", Vladimir Putinekin berriro elkartzeko aukera jarri du mahai gainean.
"Putinek jakin badaki Ukrainan sartuz gero zigor larriak izan ditzakeela", esan zuen. Dena den, neurri handiko inbasioa ez bada, erantzuna hain gogorra izango ez dela iradoki zuen, eta berba horiek nahasmendua sortu dute ukrainarren artean.
Herrialde horretako iturri ofizial batek adierazi duenez, "badirudi Putini Ukraina hartzeko baimena ematen ari dela, betiere, eraso larria ez bada".
Lehenengo urteko akatsak
Bidenek ukatu egin zuen hauteskunde-kanpainan "gehiegi agindu" izana. "Bizi dugun egoera kontuan izanda, pentsatu baino hobeto egin ditut gauzak", nabarmendu zuen, "nahiz eta egia den pandemiak frustrazioa eta nekea eragin dituela".
Bestalde, onartu zuenez, "test gehiago egin behar genituen, lehenago, batez ere, omikron aldaerak AEBn goia jo zuenean". "Garrantzitsuena da antigeno proba gehiago daudela eskuragai", erantsi zuen.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".