Putinek eta Bidenek telefonoz hitz egingo dute larunbat honetan
Vladimir Putin Errusiako presidenteak Joe Biden AEBko presidentea deituko du larunbat honetan, Ukrainako krisiarekin lotutako tentsioa areagotu ondoren. Bi liderren arteko lehen elkarrizketa zuzena izango da abenduaren 30etik. Orduan ere, telefono-dei bitartez argi utzi zituzten Ukrainari buruzko desadostasunak.
Administraritza estatubatuarreko iturriek azaldu dutenez, Moskuk astelehenerako proposatu zuen telefono-deia, baina Washingtonek larunbatera aurreratzea erabaki du, eta Kremlinak onartu.
Ukrainako mugatik gertu tropa errusiarrak metatu ostean iragarri dute deia.
Oraingoan, Ameriketako Estatu Batuek herrikideei Ukrainatik datozen 24 edo 48 orduetan ateratzeko eskatu ondoren izango da elkarrizketa. AEBren ustez, Pekinen otsailaren 20ra arte luzatuko diren Neguko Joko Olinpikoetan zehar Errusiak Ukraina erasotzeko "aukera argia" da.
Hain zuzen, Jake Sullivan Etxe Zuriko Segurtasun Nazionalerako aholkulariak ostiral honetan adierazi du inbasio errusiar baten arriskua "gertu" dagoela, eta ohartarazi du ofentsiba hori "aireko bonbardaketekin eta misil bidezko erasoekin" hasi litekeela.
Ostiral honetan bertan, Bidenen aginduz, Lloyd Austin Defentsarako idazkariak Polonian 3.000 soldadu gehiago hedatzeko agindua eman du. Hala, 6.000 estatubatuar daude jada NATOren Europako ekialdeko hegalean.
Tentsioak gora egin du azken hilabetean, Mendebaldeak salatu baitu Errusiak 100.000 soldatutik gora eraman dituela Ukrainako mugara. Horrek norgehiagoka propagandistikoan murgildu ditu Errusiako eta AEBko gobernuak.
Moskuk nabarmendu du ez duela gerrarik nahi Kievekin, eta ez duela Ukraina mehatxatu. Washingtonek, aldiz, ohartarazi du errusiarrek ondoko herrialdea eraso lezaketela "edozein unetan".
Bestalde, Putinek Emmanuel Macron Frantziako presidentearekin ere hitz egingo du egun berean. Aste honetan bien artean izandako bigarren elkarrizketa izango da.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.