AEBren eta Errusiaren arteko tentsioak gora egin du, abisuekin eta diplomazialari baten kanporatzearekin
AEBren eta Errusiaren arteko krisiak beste aurrerapauso bat eman du ostegun honetan. Alde batetik, Errusiako agintariek Moskuko estatubatuar enbaxadako "bigarrena" kanporatu dute eta, gainera, Washingtonek behin eta berriro ohartarazi du Errusiak "egun batzuetan" inbaditu lezakeela Ukraina.
Joe Biden Estatu Batuetako presidenteak bota ditu adierazpenok, Estatu Departamentuak iragarri duenean Errusiak Bart Gorman diplomazialaria kanporatu duela.
Washington erabaki horri emango dion erantzuna aztertzen ari da orain. Izan ere, Ukrainako mugan dagoen Errusiako pilatze militarraren erdian, aldebiko tentsioen "eskaladan" pauso berri bat suposatu duela uste dute estatubatuarrek.
Bertako funtzionario batek jakitera eman duenez, Blinkenek New Yorken geldialdia egitea erabaki du, "Gerra Hotza amaitu zenetik bakearentzat eta segurtasunarentzat unerik arriskutsuena izaten ari denari aurre egin" behar baitiote.
"Orain, inoiz baino gehiago, ezinbestekoa da" Washingtonek eta Moskuk "komunikazioa errazteko beharrezko pertsonal diplomatikoa" izatea, iturri horrek gaineratu duenez.
Bidenek azpimarratu du Errusia inbasioa prestatzen ari dela
Etxe Zuritik, Joe Bidenek ere, abisuen artean, beste behin nabarmendu du Errusiak Ukraina inbaditzeko mehatxua "oso altua" dela, eta esan du litekeena dela inbasio hori "egun batzuetan" gertatzea.
Agintariak azpimarratu duenez, Errusiak ez ditu tropak kanporantz mugitu, barrurantz baizik", eta argi utzi du AEBk baduela arrazoirik pentsatzeko Mosku "bandera faltsuko" operazioa prestatzen ari dela, ukrainar lurraldean sartzeko aitzakia bilatzeko.
Hala ere, berretsi du bide diplomatikoa posible dela oraindik, eta adierazi du horregatik bidali zuela Blinken NBEko Segurtasun Kontseiluaren bilerara; aukera hori mahaigaineratzeko, hain zuzen.
Washingtonen erakustaldi diplomatikoa
Asteburu honetan Europan izango dira, Blinkenez gain, Lloyd Austin Pentagonoko burua eta Kamala Harris presidenteordea. Azken hori, gainera, Munichen izango da otsailaren 18tik 20ra bitartean, Segurtasun Konferentzian.
Bertan, Harris Volodimir Zelenski ukrainar presidentearekin batuko da, eta ziurtatuko du AEB "erabat lerrokatuta" dagoela aliatuekin, Errusiaren balizko inbasio baten aurrean.
Bai Washingtonek bai NATOk ohartarazi diote Moskuri ondorio larriak izango liratekeela Ukraina berriro inbadituz gero, 2014an gertatu bezala.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.