Donetsk eta Luhansk herri errepublikek zibilen ebakuazio masiboa abiatu dute
Donetsk eta Luhansk herri errepublikek zibilen ebakuazio masiboa aurrera eramateko agindua eman dute gaur, Ukrainako Armadaren eraso baten beldur, baina Kievek ukatu egin du. Horrela, 700.000 bat bizilagun Rostovera (Errusia) ebakuatuko dituzte, Interfax agentziak jakitera eman duenez.
"Errusiak Luhansk herri errepublikako bizilagunen sarrera eta birkokapen antolatua bermatuko du", adierazi du Leonid Pasechnik bertako independentisten buruzagiak.
Ordu batzuk lehenago, Denis Pushilin Donetskeko agintariak biztanleriaren "irteera masibo zentralizatua" iragarri du "bereziki emakume, haur eta adinekoak". Pushilinen ahotan, Volodimir Zelenski Ukrainako presidenteak "laster erasoaldirako agindua emango dio Armadari" errepublikak inbadituz.
Hala ere, Oleksii Reznikov Ukrainako Defentsa ministroak Parlamentuan (Rada gorena) ziurtatu duenez, Kievek ez du lurralde independentisten aurkako ekintzarik aurrera eramateko asmorik, gatazkari konponbide baketsua eman nahi diolako.
Vasili Golubev Rostoveko gobernadoreak Vladimir Putin Errusiako presidenteari laguntza eskatu dio, ebakuazio masiboari aurre egiteko, Dmitri Peskov Kremlineko bozeramaileak adierazi duenez.
Egoera ikusita, Putinek Aleksand Chuprian Larrialdi Egoeratarako ministroa Rotovera bidali du, errefuxiatuen bizi baldintzak bermatzeko, Peskovek Interfax albiste agentziari azaldu dionez.
10.000 errublo errefuxiatu bakoitzari
Gainera, errefuxiatu bakoitzari "10.000 errubloko (130 dolar inguru) diru-laguntza emateko agindua eman dio Errusiako presidenteak Gobernuari", erantsi duenez.
Azken orduetan, ostegunean bereziki, 2015eko su-etenaren urraketa larriak izan dira Ukrainako ekialdean.
Ostiral honetan Ukrainako indar armatuek herri errepublikari 30 aldiz eraso egin diotela salatu dute Donetskeko agintariek, TASSen arabera. Ukrainako Armadaren hitzetan, ostera, independentistek su-etena 45 aldiz urratu dute.
"Egoerak okerrera" egin duela salatu du Putinek
Gauzak horrela, Ukrainako ekialdean "egoerak okerrera" egin duela salatu du Vladimir Putin Errusiako presidenteak. Bestalde, Donetsk eta Luhansk kontrolatzen duten independentistekin negoziatu nahi ez izatea aurpegiratu dio Kievi.
"Donbasseko ordezkariekin negoziatzeko eseri beharko luke Kievek, eta neurri politiko, militar, ekonomiko eta humanitarioak adostu, gatazkari amaiera emateko", esan du Putinek. Errusiako buruzagiak Alexander Lukashenko Bielorrusiako homologoa hartu du Moskun.
Putinek planteatu duenez, elkarrizketari "lehenbailehen heltzea hobe", baina Volodimir Zelenski Ukrainako presidentea nazioarteko negoziazio formatua berreskuratzearen alde agertu da soilik, Errusiaren presentziarekin.
Minskeko akordioak haustea leporatu dio Putinek Kieveko Gobernuari. Ekialdeko lurraldeei "status berezi" bat emateko Konstituzioa aldatu ez izana aurpegiratu dio, baita tokiko hauteskundeak ez deitzea edo "amnistian" aurrerapausoak ez ematea ere, Sputnik albiste agentziak jakinarazi duenez.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.