Errusia Ukrainaren kontrako "eraso handi bat" prestatzen ari denaren "zantzuak" daudela esan du Natok
Errusia Ukrainaren kontrako "eraso handi bat" prestatzen ari dela ziurtatu du Jens Stoltenberg Ipar Atlantikoko Tratatuaren Erakundeko (NATO) idazkari nagusiak. Era berean, Kremlin gezurretan ari dela eta soldadu errusiarrak Ukrainatik ez direla erretiratzen ari adierazi du. "Errusiak Ukrainaren kontrako erasoa abian jartzeko arriskua handia da, oso handia", esan du Stoltenbergek ARD hedabide alemaniarrean egindako elkarrizketan.
Hala, Jose Biden AEBko presidenteak asteon esandakoak berretsi ditu. Buruzagi estatubatuarrak esan zuen Errusia nahita ari zela tentsioa areagotzen Ukraina ekialdeko eskualdeetan, "eraso bat justifikatzeko". "Su-etena etengabe urratzea, genozidio salaketa faltsuak eta herritarrak ebakuatzen hastea. Zantzu oso kezkagarriak dira", gaineratu du NATOko kideak.
Egoera asko gaiztotzen ari den arren, gatazka bideratzeko "garaiz" daudela uste du Ipar Atlantikoko erakundeak, eta tentsioa "jaisteko" deia egin diote Vladimir Putin Errusiako presidentearen Gobernuari.
Halaber, ekialdera ez zabaltzeko duen konpromisoa urratzea egotzi dio Kremilek NATOri. Erakunde horrek baina, Europako estatu guztiekin negoziatzeko "eskubidea" duela adierazi du.
Zelenski-Macron bukera
Bestalde, Emmanuel Macronek eta Volodimir Zelenskik, Frantziako eta Ukrainako presidenteek hurrenez hurren, "urjentziazko bilera" izan zuten atzo. Mahai gainean izan zituzten gaien artean, "berehalako deseskalatzea" eta Ukrainarako "akordio politiko-diplomatikoa" adostea.
Zelenskik bere kezka agertu zion Macroni, Donets eta Lugansk eskualdeetan gerra hotsak gero eta gertuago entzuten direlako. "Errusiarzaleen probokazioen aurrean ez gara eroriko", esan zuen Ukrainako buruzagiak.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.