Errusiaren aurrean "segurtasun bermeak" baldin badaude Ukraina bere "neutraltasuna" adosteko prest dago
Ukrainako Presidentetzak adierazi duenez, Kiev bere "neutraltasuna" onartzeko aukera aztertzeko prest dago, Errusiaren aurrean "segurtasun bermeak" baldin badaude.
Horrela, Igor Zhovkva Ukrainako Presidentetzako buruzagiaren ondokoak AEBko CNN telebistari azaldu dionez, neutraltasuna posible da "NATOk Ukraina orain onartzeko prest ez badago". Hala ere, "Ukrainarentzako segurtasun berme sendoak beharrezkoak dira, gerra anker hau, eraso ikaragarri hau etorkizunean ez errepikatzeko", ohartarazi du.
Zhovkvak nabarmendu duenez, Ukrainako Gobernua Putinekin eta eskualdeko beste herrialde batzuekin lan egiteko prest dago, "Europarentzako segurtasun sistema berri bat" sortzeko. Era berean, Ukrainak "Europaren familiako parte izatea merezi" duela defendatu du.
"Ukraina Europa osoaren segurtasuna defendatzeko borrokan ari da. Emmanuel Macron Frantziako presidenteak Europaren balizko segurtasunaz hitz egiten duenean, nola liteke Volodimir Zelenski Ukrainako presidentea mahaian ez egotea?", galdetu du. "Zelenski eta Ukraina Europar Batasunean izan barik?", errepikatu du.
Bestalde, Zelenski Putinekin biltzeko presta dagoela berretsi du Zhovkvak. Nahiz eta akordiorik ez izan, Sergei Lavrov eta Dimitro Kuleba, hurrenez hurren, Errusiako eta Ukrainako Atzerri ministroen arteko bilera positiboa izan zela uste du.
"Batzartzea ona da, baina zoritxarrez Lavrovek ez ditu azken erabakiak hartzen. Gerra gelditu, su-etena lortu eta tropak atzera egiteko erabakia pertsona bakarrak du", esan du, Errusiako presidenteari erreferentzia eginez.
Zure interesekoa izan daiteke
Hautagai sozialista eta ultraeskuindarra igaro dira Portugalgo hauteskunde presidentzialen bigarren itzulira
Antonio Jose Seguro ministro ohi eta sozialisten buruzagi ohiak botoen % 30,53 lortu ditu eta Andre Ventura buruzagi ultraeskuindarrak % 24,59. Portugalgo presidentetzarako hauteskundeen bigarren bozketa otsailaren 8an izango da.
Muga-zergekin zigortutako Europako zortzi herrialdeak: "Groenlandiara tropak bidaltzea ez da inorentzat mehatxu"
Danimarkako, Finlandiako, Frantziako, Alemaniako, Herbehereetako, Norvegiako, Suediako eta Erresuma Batuko gobernuek ohar bateratu batean diotenez, Groenlandiara tropak bidaltzea "Artikoan segurtasuna indartzea du asmo". Ingurumari horretan, EBko enbaxadoreek bilera egin dute, muga-zergei eman beharreko erantzuna adosteko.
AEBn bizi diren etorkinak kezkatuta, deportatzeko asmoa betetzen ari delako Trump
Maria mexikarra da, 38 urte ditu, eta deportatua ez izateko baimen berezi bati esker dago AEBn. Kezkatuta dago, ordea, immigranteak deportatzeko asmoa betetzen ari delako Trump, milaka agente kontratatuta. Beldurra baliatzen dute askotan: aurpegia estalita eramaten dute, armak eskuan eta oso modu bortitzak erabiltzen dituzte.
Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"
Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.
AEBko Alderdi Demokrata Groenlandiako aliatuen aurkako muga-zergak galarazten saiatuko da Senatuan
Chuck Schumer Goi Ganberako buruzagi demokratak "ergelkeriatzat" jo du Trumpen mehatxua.
Europako herrialdeak igande honetan bilduko dira, Trumpen "mehatxuak" eta "xantaia" gaitzetsi ondoren
Trumpen neurriei erantzun bateratua emateko asmoa dute kaltetutako herrialdeek. AEBko presidentearen "mehatxu onartezinak" kritikatu dituzte, eta Frantziako agintaria Europako gainerako buruzagiekin bilduko da, "irmotasuna" erakusteko asmoz.
Jameneik esan du "milaka pertsona" hil direla protestetan, eta Trumpi egotzi dio horren ardura
Irango buruzagi gorenak nabarmendu duenez, "gertaera oso ankerrak jazo dira, hala nola gazteak meskitetan giltzapetzea eta bizirik erretzea, edo neskato, gizon eta emakume babesgabeak hiltzea, atzerritik hornitutako armekin". Testuinguru horretan, Iranen "gobernu berri bat ezartzeko unea" dela adierazi du Trumpek.
Trumpek ezarritako muga-zergei "erantzun bateratua" eman nahi die EBk
Antonio Costa Europako Kontseiluko presidenteak adierazi duenez, Europak "oso jarrera irmoa izango du beti nazioarteko zuzenbidearen defentsan, edonon dela ere, eta, jakina, EBko estatu kideen lurraldetik hasita".
Netanyahuk dio AEBk ez zuela Israelekin koordinatu Gazarako Batzorde Exekutiboaren iragarpena
Ohar batean, tonu kritikoan hitz egin du AEBko Administrazioari buruz. Dena den, ez du sakondu Israelgo Gobernuak AEBeko presidenteak iragarritako zerrendarekin dituen desadostasunen inguruan.
Milaka lagun kalera atera dira Danimarkan eta Groenlandian Trumpen asmoen kontra protesta egiteko
Milaka pertsona bildu dira eguerdian Kopenhageko udaletxearen aurrean, eta protestak izan dira Aarhusen, Aalborgen, Odensen eta Koldingen. Arratsaldean beste manifestazio bat egin dute Groenlandiako hiriburuan, Nuuken.