Jarek Domanski: "Errusiak ez ditu XXI. mendeko joko-arauak errespetatu nahi, XIX. mendekoekin ari da"
Errusiaren eta Ukrainaren artean akordioa ixtea posible bai, baina gaur gaurkoz oso zaila dela uste du Jarek Domanski Iranen Poloniaren enbaxadore izandakoak eta Europako Segurtasun eta Lankidetzarako Erakundeko kideak Kieven. Horren hitzetan, bi aldeek helburu oso ezberdinak dituzte, eta oso urrun daude bata bestearengandik.
Radio Euskadiko "Ganbara" saioan egindako elkarrizketan, Domanskik adierazi du Errusia ez dela ausartuko "NATOrekin beste gatazka armatu bat" zabaltzen, "Ukrainan dituen arazoak" ikusita. Orain arte bezala, Poloniak "Aliantza Atlantikoarekin bat egiten jarraituko" duela adierazi du.
Bestalde, Europako Batzordearen, Estatu Batuen, Kanadaren, Japoniaren, Australiaren eta beste hainbat herrialderen artean "egunotan ikusten ari garen aurrekaririk gabeko batasuna" nabarmendu du EBko kideak. "Errusiarrek ez zuten, inondik inora, batasun hau espero", zehaztu du.
Ukraina EBn berehala eta ezohiko prozedura baten bidez sartzeari buruz galdetuta, Domanskik azaldu du "ezinezkoa dela herrialde bat egun batetik bestera EBko kide bihurtzea". Poloniak horretarako bederatzi urte behar izan zituela ekarri du gogora. "Polonia Ukraina baino hobeto prestatuta zegoen, gatazkarik gabe, eta halere, bederatzi urteko prozesua izan zen", gaineratu du.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.