Etxeratze agindua ezarri dute berriro Kieven, larunbat goizera arte
Joan den otsailaren 24an Errusiak Ukrainaren kontra erasoa abiatu zuenetik, bonba-hotsek ez dute etenik herrialde horretan, eta bertako agintariek, beste etxeratze agindu bat ezarri dute Kiev hiriburuan. Joan den astertetik asteazkenera arte ere, etxeratze agindua ezarri zuten, bonbardaketak hiriko hainbat auzotan areagotzen ari zirelako.
Kieveko Administrazio Militarrak sare-sozialen bidez zabaldutako mezuan iragarri die herritarrei kalera ez irteteko agindua: "Kieveko eskualde osoan etxeratze agindua ezarriko da, martxoaren 18 honetako 20:00etatik martxoaren 19ko 07:00ak arte", jasotzen du hitzez hitz mezuak.
Hiriaren segurtasuna bermatzeko "ahalegin guztiak" egiten ari direla azaldu dute agintari ukrainarrek, eta beraz, "emandako aginduak betetzeko" eskatu diete herriarrei.
Bart, Lviveko aireportuaren inguruan entzun dira ozenen leherketak, herrialdearen mendebaldean. Poloniako mugatik 70 kilometrora dago aireportua, eta Ukrainako milaka herritar Europako Batasunerantz ihes egiteko erabiltzen ari diren bideetako bat da.
Andrii Sadovy Lviveko alkateak Telegram bidez eman du bonbardaketen berri. "Rashisten misilak Lviveko aireportuaren inguruan lehertu dira", idatzi du mezuan. Argitu duenez, hegazkinak konpontzeko planta bat erabat txikitu dute bonbek, baina erasoan ez da inor zauritu. Antza, inbasioa hasi zenetik konponketa-planta geldirik zegoen, eta, beraz, ez zegoen inor barruan. Sadovyren arabera, aireportua bera ez da kaltetu baina inguruko eraikin asko bai. Herritarrei "agintarien aholkuak" jarraitzeko eskatu die alkateak, eta ez ditzatela erasotutako lekuen argazkiak zabaldu.
Bestalde, Kiev hiriburuan gau lasai samar baten ostean, gutxienez lau haur hil dira Errusiako Armadak misilekin egindako beste eraso batean Vitali Klitxko alkateak jakinarazi duenez. Gainera, kalte materialak ere nabariak dira eta gutxienez sei etxebizitza-eraikin, ikastetxe bat eta haurtzaindegi bat kaltetu dira.
"Ez da negoziazio-taktiken berri emateko unea"
Bien bitartean, Errusiaren inbasioa hasi zenetik egunero herritarrei igortzen dien mezuan, Volodimir Zelenski Ukrainako presidenteak negoziazioen inguruan diskrezioa eskatu du, bart. "Ez da negoziazio-taktiken berri emateko unea", esan du.
"Bakearen aldeko negoziazioak, subiranotasunaren aldekoak, gure estatuaren lurralde osotasunaren eta gure askatasunaren aldekoak, isilean egiteko ordua da, eta ez hedabidetan edota sare-sozialetan. Bide zuzena hori dela uste dut", azpimarratu du..
Halaber, Ukrainako Armadaren "erresistentzia-lana" txalotu du Zelenskik.
Biden-Xi bilera, gaur
Bestalde, Joe Biden eta Xi Jinping, Estatu Batuetako eta Txinako presidenteak, hurrenez hurren, bilera telematikoa egingo dute gaur, Ukrainako gerraz hitz egiteko.
Jen Psaki Etxe Zuriko Prentsa-idazkariak, atzo, ohar bidez jakitera eman zuenez, Txinarekin "komunikazio bideak zabalik" izan nahi ditu AEBk, uste baitu herrialde "eraginkorra" izan daitekeela Errusiaren inbasioa gelditzeko.
Txinako Gobernuak, dagoeneko, aurreratu du ez duela onartuko Estatu Batuek enpresa edota eragile txinatarrak presionatzea, Ukrainako gerraren aurrean erabaki bat edo bestea hartzerako orduan.
Mehatxu nuklearraren aukera baztertu du NATOk
Eta ingurumari honen erdian, Carmen Romero Ipar Atlantikoko Tratatuaren Erakundeko (NATO) diplomazia idazkariorde ondokoak esan du Errusiaren aldetik eraso nuklearra etorriko dela esateko zantzurik ez dutela. Hori bai, Vladimir Putinen Gobernuak arma biologikoak edota kimikoak erabiltzea ez du baztertzen NATOk.
Gaur gaurkoz, Romerok ez du uste Putinek inbasioa bertan behera uzteko asmorik duenik, ezta "erasoen gogortasuna arintzeko" ere.
Albiste gehiago mundua
Israelek ziurtatu du Abu Obaida, Hamasen beso armatuaren bozeramailea, hil duela larunbat honetan Gazan izandako eraso batean
Armada eta inteligentzia zerbitzuak zoriondu ondoren, Katzek Gaza hiriko okupazioarekin jarraitzeko eskatu die. Brigadek eta Hamas mugimenduak ez dute balizko erailketa horri buruzko adierazpenik egin.
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, gutxienez hiru zibil hil eta sei zauritu ditu azken 24 orduetan Donetsk eskualdearen aurka egindako erasoetan.
Global Sumud Flotilla Gazara bidean da jada, 22 ontzi eta 300 pertsona baino gehiagorekin
15:30ean abiatu da Bartzelonako portutik, gutxienez 44 herrialdetako ordezkariekin, lau euskal herritar tartean, Gazako genozidioa eta blokeoa salatzeko helburuarekin. 5.000 pertsona inguru elkartu dira Bartzelonako portuan, flotillari babesa eman eta agurtzeko.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.