Erresuma Batuaren arabera, Errusiaren aurkako zigorrak kendu ahalko lirateke tropak Ukrainatik ateraz gero
Elizabeth Truss Kanpo Arazoetako britainiar ministroak larunbat honetan berretsi duenez, Errusiako oligarka, banku eta enpresen aurkako zigor ekonomikoak kendu litezke, Vladimir Putin errusiar presidenteak Ukrainaren inbasioa amaitutzat ematen badu eta beste herrialdeei "eraso gehiagorik" ez egiteko konpromisoa hartzen badu.
"Erabateko suetenarekin eta erretiratzearekin bakarrik desagertu beharko lirateke zigori horiek, baina baita eraso gehiagorik ez egiteko konpromisoarekin ere", adierazi du Trussek 'The Telegraph' hedabidean eskainitako elkarrizketa batean. Nabarmendu duenez, "berriro ere zigorrak ezartzeko aukera dago, etorkizunean beste erasorik izatekotan".
Era berean, Trussek jakinarazi du bere Ministerioak negoziazioetarako unitate espezializatua sortu duela, "Ukrainari babesa emateko, errusiarrek negoziazioak serio hartzean". Hori dela eta, britainiar Diplomaziako buruak uste du NATOko aliatuek "gogor" aritu behar dutela, bakea lortzeko.
"Zigorrak bikoiztu behar ditugu. Ukrainara bidaltzen ditugun armak bikoiztu behar ditugu. Baina negoziazioetarako garaia iristean, Erresuma Batuak gako izan behar du, ziurtatzeko Ukraina babesten dugula funtzionatuko duen akordio batera heltzeko", azaldu du.
Trussek baietsi duenez, Ukrainak eta Mendebaldeak abiatutako taktikek "negoziazio mahaira eraman lezakete Putin".
"Are gehiago estutu behar dugu Putin", zehaztu du, "barnetik, ekonomiaren eta Errusiaren ahultzearen bitartez".
Kanpo Arazoetako britainiar ministroaren adierazpenak bat etorri dira joan den astean Antony Blinken Estatu Batuetako Estatu idazkariak esandakoarekin. Adierazi zuenez, Errusiari ezarritako zigorrak mantenduko dira, herrialdeak "norabidea aldatu arte".
Ukrainak 12 kazetariren heriotza berretsi du, gerra hasi zenetik
Iryna Venediktova Ukrainako fiskal nagusiak larunbat honetan iragarri zuenez, gutxienez 12 kazetari hil dira eta 10 zauritu, otsailaren 24an Ukrainako gerra hasi zenetik.
"Munduari Putinen erasoaren egia kontatzea hilgarria da: 12 kazetari hil dira jadanik gerran", adierazi du Venediktovak. Ganera, hedabideak Ukrainan izaten ari diren papera txalotu du Facebooken, "errusiar gerra krimenak argitzen lagundu baitute".
"Hedabideen Institututik, kazetarien aurkako delituen kontabilitatea egiten ari gara. Kalkuluen arabera, legez kanpoko 148 ekintza izan dira Ukrainan eskala handiko inbasioaren hasieratik", azaldu du.
Venediktovaren arabera, lehentasunetako bat dute kazetariak babestea, eta Ukrainako adierazpen askatasuna "ez dute etsaiaren armek isilduko".
Zelenskik berriz eskatu dio NATOri ehiza-hegazkinen eta tankeen hornidura
Volodimir Zelenski Ukrainako presidenteak NATOko herrialdeei errepikatu die ehiza-hegazkinak eta tankeak bidaltzeko, herrialdeko "askatasuna benetan defendatzeko".
Andrzej Duda Poloniako homologoarekin izandako bideokonferentzian, Zelenskik ohartarazi du ukrainar indar armatuak ez hornitzekotan, errusiar militarrek "mehatxua" suposatu lezaketela aurrerago, NATOko herrialdeentzat". Hala azaldu du Ukrainako Presidentetzak, igorritako ohar batean.
Halaber, ukrainar presidenteak nabarmendu du ehiza-hegazkinen entrega atzeratzearen "prezioa ukrainarren milaka bizitza" direla, "hiri baketsuetan ematen ari diren" aire erasoengatik galtzen egongo liratekeenak". Gainera, Zelenskik deitoratu du Ekialdeko Europan eskuragarri dauden fabrikazio sobietarreko hegazkinak ez dituztela oraindik" entregatu.
Zure interesekoa izan daiteke
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.