NBEren Segurtasun Kontseiluak Butxako "gerra krimenen frogak" aztertuko ditu gaur
Nazio Batuen Erakundearen (NBE) Segurtasun Kontseiluak Butxako (Ukraina) "gerra krimenen frogak" aztertuko ditu gaur, atzo Barbara Woodward Erresuma Batuak NBEn duen enbaxadoreak iragarri duenez. Kievetik gertu dagoen hiri honetan ehunka gorpu agertu dira, horietako asko eskuak lotuta eta fusilatuta.
"Kontseiluaren bilera deituko dugu astearterako Ukrainan, Butxan, gertatu berri diren gerra krimenen frogak aztertzeko", azaldu du Woodwardek Twitterren duen kontuan. Erresuma Batuak du apirilean Segurtasun Kontseiluaren txandakako Presidentetza, eta beraz, hari dagokio bilera deitzea.
Volodomir Zelenski Ukrainako presidenteak batzarrean hitz egingo du, eta gero arratsaldean, Espainiako Diputatuen Kongresuan, bideokonferentziaz.
Butxan topatutako "armarik ez zuten zibilen" hilotzen irudi "lazgarriak" ahotan hartu ditu Woodwardek. "800 gorpu baino gehiago utzi dituzte kaleetan eta hobi komunetan. Seme-alaben aurrean bortxatu dituzten emakumeak badaude", salatu du. Ukrainako agintarien hitzetan, 410 gorpu atera dituzte jada.
"Gure Presidentetza baliatuko dugu gardentasuna eta justizia bermatzeko eta kontuak emateko", azaldu du Woodwardek.
"Benetan gertatu dena frogatzeko materiala" erakutsiko du Errusiak
Azken orduotan behin baino gehiagotan eskatu du Errusiak Segurtasun Kontseiluaren bilera egitea, Sergei Lavrov Errusiako Atzerri ministroak nabarmendu duenez.
"Atzo (igandeaz ari da) NBEren Segurtasun Kontseiluaren bilera eskatu genuen (baina) kide britainiarrek, orain Kontseiluaren Presidentetza dutenek, uko egin zioten. Gaur ere (astelehena) saiatuko gara, alferrik", deitoratu du Lavrovek Interfax albiste agentziari egindako adierazpenetan.
"Diotenez, bihar (gaur) Ukrainako egoera aztertuko dute. Diplomazia britainiarra ezagututa, Butxa hiriko faltsutze hori argudio demagogikoekin nahasiko dute", erantsi du.
Aurrez, Dimitri Peskov Errusiako Gobernuko bozeramaileak iragarri du New Yorken prentsaurrekoa egingo dutela Butxan "benetan gertatu dena frogatzen duen material zehatza" aurkezteko.
"Nazionalistek, neonazien batailoiek zuzendutako Ukrainako indar armatuek egindako hilketak ondorio gabe ez geratzeko eginahalak egingo ditugu", nabarmendu du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".