Ukrainak zibilen aurkako sarraskia salatu du Butxan, 410 gorpu baino gehiago aurkitu eta gero
Dimitro Kuleba Ukrainako Kanpo Arazoetako ministroak Butxan, Kiev eskualdean, "sarraskia" egin izana leporatu die errusiar indarrei, eta G7ari eskatu dio Moskuren aurkako "behin betiko zigorrak" aktibatzeko, lehenbailehen. Ukrainako Gobernuaren arabera, "ehunka" hildako izan dira errusiar tropen esku egon ondoren duela gutxi askatu dituzte Kiev inguruko herrian.
"Butxako sarraskia nahita egindakoa izan da. Errusiarrek ahalik eta ukrainar gehien hiltzea dute helburu. Gelditu behar ditugu, eta ostikoka bota", adierazi du Twitter bidez Kulebak.
"G7ari erabaki berriak eskatu nahi dizkiot, lehenbailehen", gaineratu du ministroak. Hala, zenbait neurri proposatu ditu: Errusiako petrolioa, gasa eta ikatza blokeatzea, Errusiatik datozen ontzi eta ondasun guztiei portuak ixtea, eta errusiar ontzi guztiak SWIFT finantza trukerako mekanismotik deskonektatzea.
Zelenskik "genozidiotzat" jo du sarraskia
Volodimir Zelenski Ukrainako presidenteak "genozidio" gisa izendatu du ukrainar autoritateek salatutako zibilen sarraskia.
CBS katean Errusia genozidioa egiten ari den galdetu diotenean, Zelensikik baiezko erantzuna eman du. "Noski baietz. Hau genozidioa da", adierazi du.
"Nazio oso baten eta bertakoen sarraskia. Ukrainako biztanleak gara. Ehun nazionalitate baino gehiago ditugu. Nazionalitate guzti horiek suntsitu eta sarraskitzea da honen helburua", azaldu du.
Ukrainak ez du "Errusiar Federazioaren politikaren menpe egon nahi", defendatu du. Gaineratu duenez, "hori da gu suntsituta eta sarraskituta egotearen arrazoia". "XXI. mendeko Europan gertatzen ari da hau. Nazio oso baten tortura da".
Errusiak dio bere indarrek ez dutela gerrako krimenik egin Butxan
Bien bitartean, Errusiako Defentsa Ministerioak ukatu egin du Butxan gerra krimenik egin izana
TASS agentziak jasotako ohar batean Ministerioak baieztatu du hirian egon diren denboran "bertako biztanle bakar batek ere" ez duela "indarkeriazko ekintzarik pairatu". Bitartean, "ukrainar indarrek eguneko 24 orduetan zehar bonbardatzen zuten hiria, kalibre handiko artilleriarekin, tankeekin eta suziri anitz jaurtitzeko sistemekin" esan dute.
Ministerioaren arabera, "errusiar unitate guztiek utzi zuten Butxa martxoaren 30ean". Gogorarazi dutenez, tropek atzera egin eta egun batera, Buchako alkateak "baieztatu zuen ez zela errusiar militarrik hirian eta ez zuen hildakoez hitz egin".
Errusiak hiria okupatuta izan zuen bitartean, bere indar armatuek bertako herritar guztiei "hiria uzteko aukera" eman zietela ere adiearazi dute, "iparralderantz, Bielorrusiako Errepublika barne, hiritik nahieran mugitzen ziren bitartean".
Hala, hirian dauden gorpuen "argazki eta bideo sekuentzia guztiak Kieveko erregimenak mendebaldeko hedabideentzat egindako eszenaratzea" baino ez direla adierazi dute, "bere garaian Mariupolgo amatasun ospitalearekin gertatu bezala". Hildakoak prentsa hirira iristearekin batera "atera" direla salatu dute.
Gaitzespenak eta zigor berriak
Nazioarteko komunitateak gogor gaitzetsi du Butxan gertatua. Ikerketa independea eskatu dute eta Europa Batasunak zigor gehiago iragarri ditu Errusiaren aurka.
AEBak, Erresuma Batua, Europar Batasuna eta Nazio Batuen Erakundeak gerrak krimenak argitzeko eta zigortzeko eskatu dute.
Zure interesekoa izan daiteke
Lau lagun atxilotu eta hainbat zauritu dituzte Flotillako euskal ekintzaileei egindako harreran izan diren istiluetan
Atxilotu guztiak aske utzi dituzte arratsaldean. Hainbat agentek borrak erabiliz kolpatu dituzte ekintzaileak, eta, horren aurrean, Ertzaintzak barne ikerketa abiatu du jazotakoa argitzeko.
Frantzian sartzea debekatu diote Ben Gvir ministro israeldarrari
"Gaurtik aurrera, Itamar Ben Gvirrek debekatuta du Frantzian sartzea, Global Sumud Flotillako frantziar eta europar herritarren aurka egindako ekintza onartezinei erantzuteko", adierazi du Barrotek sare sozialetan.
40.000 pertsona ebakuatu dituzte Kalifornian, kimiko toxikoak dituen tanke bat lehertzear dagoelako
Kaliforniako Orange konderrian 40.000 pertsona inguru ebakuatu dituzte, substantzia kimiko oso leherkorrak biltzen dituen eta ihesak eta egiturazko akatsak dituen biltegi industrial bat berehala lehertzeko arriskua dagoelako.
Gutxienez 90 pertsona hil dira Txinako ikatz meategi batean izandako leherketa baten ondorioz
Erreskate taldeek lanean jarraitzen dute Liushenyu meatzean, Shanxin, herrialdearen erdialdean, eta agintariak istripuaren arrazoiak ikertzen ari dira. Xi Jinping presidenteak gertatutakoaren ardurak argitzeko deia egin du.
Kongoko Errepublika Demokratikoaren barruan ebola-agerraldiak eragindako arriskua "oso altua" dela ohartarazi du orain OMEk
Mundu mailan, arriskua "baxua" da, baina Bundibugyo izeneko birusaren aldaera ezezagun samar batek eragindako izurrite baten arriskuaz ohartarazi du, ez baitago ez tratamendurik ez txertorik.
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.