Zelenskik Medvedtxuk entregatzea proposatu du Errusiak gatibu dituen haurren truke, baina Moskuk baztertu du
Ukrainako gerra hasi zenetik 49 egun betetzen diren honetan, Volodimir Zelenski Ukrainako presidenteak eskaintza egin dio Errusiari. Zehazki, Vladimir Putinen ustezko aliatua eta Ukrainako oposizioaren burua den Viktor Medvedtxuk entregatzeko prest agertu da, Errusiak bahituta dituen haur ukrainarren truke.
Zelenskik Telegrameko kanalaren bitartez iragarri du atxiloketa. Horrekin batera, Medvedtxuken argazkia igo du, eskuburdinak eta Ukrainako Armadaren arropa militarra jantzita.
Medvedtxuk etxean atxilotuta zegoen epailearen aginduz, baina Errusiak Ukrainako inbasioa hasi zuen egunean, otsailaren 24an, ihes egin zuen.
67 urteko politikari eta enpresariari traizio egitea leporatzen diote estatu-sekretuak argitara emateagatik, Errusiarentzat lan egiteagatik eta Putinekin "lotura sendoak" izateagatik.
Moskuk trukea baztertu du
Dimitri Peskov Kremlineko bozeramaileak balizko trukea baztertu du. Medvedtxuk "ez da Errusiako herritarra", eta "operazio militar bereziarekin ez du zerikusirik", adierazi duenez. "Atzerriko figura politiko bat da", erantsi du.
Horrela, Moskurekin "ezkutuko harremanik" ez duela adierazi du Kremlinak. Peskovek azpimarratu duenez, harremanak izango balitu, politikari ukrainarrak jaioterria inbasioaren hasieran "utziko zukeen". "Ikusi dugun bezala, ez zuen egin", gaineratu du.
Hala ere, politikari ukrainarraren "etorkizuna" gertutik jarraituko duela bermatu du Moskuk. Zentzu horretan, "adierazpen askatasunaz hainbeste kezkatzen diren Europako politikariei arrazoi politikoengatik pertsona bat jazarri ezin daitekeela" gogorarazteko eskatu die.
Peskoven ahotan, "egoera berdina da, eta hemen Kieveko erregimenaren ordezkariak pertsona bat iritzi politikoengatik jazartzen ari dira, eragoztea egokia litzateke".
Bestalde, Dontesk eta Luhansk herri errepubliken agintariak politikari ukrainarrarekin "oso eskertuak" daudela nabarmendu du, "bakearen alde egin duelako". Aldi berean, Ukrainako agintariek haren jarrera izan balute, ez zen gatazkarik izango, ziurtatu duenez.
Peskoven esanetan, "Medvedtxukek Ukrainaren eta Errusiaren arteko harreman normalak eraiki nahi ditu".
Zure interesekoa izan daiteke
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.
Tentsioa gorenean da Hegoaldeko Txinako Itsasoan, defentsa eta botere militarraren bidegurutzean
Estatu Batuetako eta Txinako indarren artean talka arriskua eragin dezakeenik badago, Hegoaldeko Txinako Itsasoa da. Pekinek ur horien zati bat beretzat nahi du, bederatzi puntuko lerro bat eginez, Taiwan, Filipinetako zati bat eta uharte artifizialak eraiki dituen uhartetxoak barne. Horrek talka egiten du hainbat herrialderen subiranotasunarekin, hala nola Filipinak, Vietnam eta Malaysia. Horren aurrean, AEBk presentzia militarra sendotu du eremu horretan. Mikel Reparaz, EITBren Nazioarteko arloburua, bertan izan da.