Munduko lider nagusiak pozik agertu dira Macronen berrautaketarekin
Europar Batasuneko buruzagi nagusiek eta munduko beste agintari batzuek Emmanuel Macron liberala zoriondu dute igande honetan Frantziako presidentetzarako hauteskundeetan Marine Le Pen ultraeskuindarraren aurka lortutako garaipenagatik.
Ursula Von der Leyen Europako Batzordeko presidenteak adierazi duenez, "ekaitz garai honetan, beharrezkoa da Europa sendo bat eta EB burujabeago eta estrategikoago baten aldeko erabat konprometitutako Frantzia bat".
Christine Lagarde Europako Banku Zentraleko presidenteak esan du lidergo sendoa "funtsezkoa" dela "zalantzazko garai hauetan", eta eskerrak eman dizkio Macroni "arduraldi nekaezinagatik".
Pedro Sanchez Espainiako Gobernuko presidenteak ere txalotu egin du Macronen hautaketa, eta adierazi du frantziarrek "EB aske, indartsu eta justu baten aldeko konpromisoa" hartu dutela.
Alemanian, Olaf Scholz kantzilerraren ustez, hauteskundeen emaitza hautesleek "Europarekin duten konpromiso sendoaren" aldeko mezua izan da.
Halaber, Ivan Duque eta Alberto Fernandez Latinoamerikako liderrek frantsesa zoriondu dute, eta "proiektu demokratikoaren" garaipena ontzat hartu dute.
Macroni egindako zorionen aurrean, Matteo Salvini Italiako buruzagi populistak Marine Le Pen galtzailearen emaitza ospatu du, 13 milioi boto lortu baititu.
Macronen aurkariak, Le Pen ultraeskuindarrak, garaipena lortuz gero, Europar Batasuneko erakundeei boterea kenduko ziela eta bere eskuduntzen zati bat estatu kideei itzuliko ziela agindu zuen.
Zure interesekoa izan daiteke
Kongoko Errepublika Demokratikoaren barruan ebola-agerraldiak eragindako arriskua "oso altua" dela ohartarazi du orain OMEk
Mundu mailan, arriskua "baxua" da, baina Bundibugyo izeneko birusaren aldaera ezezagun samar batek eragindako izurrite baten arriskuaz ohartarazten du, ez baitago ez tratamendurik ez txertorik.
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute