Ezkerra boterera irits liteke Kolonbian, historian lehen aldiz
Gaur, igandea, presidentetzarako hauteskundeak egingo ditu Kolonbiak. Aurrekari gisa, historian lehenbizikoz garaipena Gustavo Petro ezkerreko hautagaiari ematen dioten inkestak. Ia 40 milioi biztanle daude deituta hauteskunde historiko izan litezkeenetara.
Herrialdeko azken hamarkadetako hauteskunde kanpaina nahasiena izan denaren erdian, Petrok astelehen honetan salatu zuen Gobernuak bertan behera utzi nahi dituela igandeko hauteskundeak, bere balizko garaipena oztopatzeko.
Sare sozialen bitartez indartu zuen Petrok hauteskunde azpikeriaren teoria, Ivan Duque Kolonbiako presidenteari "gezurti" deituta, agintariak hauteskundeak aurreikuspenekin bat ospatuko direla berretsi ostean.
Egungo presidenteak, berriz, honakoa adierazi zuen: "Hemen inori ezin zaio burutik pasa hauteskundeak bertan behera geldituko direnik edo estatu-kolperik emango denik".
Kolonbiako Gobernuak aireko eta ibaiko mugako pasabideen itxialdia agindu du, maiatzaren 28tik, larunbata, astelehen goizeraino. Hala, igandeko presidentetzarako hauteskundeetan normaltasuna bermatzea da asmoa.
Bestalde, Eusko Jaurlaritzako 'Intergrupo por la Paz en Colombia' taldeak Bogotarako bidaia abiatu du ostiral honetan, Kolonbiako hauteskunde presidentzialen garapena jarraitzeko. Kolonbiako Hauteskunde Batzorde Nazionalak gonbidatuta, Hauteskunde Behaketarako Misioaren baitan integratuko da. Bozak eta zenbaketa behatzea du helburu, hauteskunde prozesuan zintzotasuna eta gardentasuna bermatzeko.
Polarizazioa, atsekabea eta erreformak
Datorren igandeko hauteskundeak irabaziko dituen hautagaiaren erronken artean dira hazkunde ekonomikoarekin jarraitzeko eta eskubideak irabazteko erreformak, aurrekaririk gabeko polarizazioa edo asebete gabeko eskaerek eragindako atsekabea.
Egoera hori, gainera, larriagotzen ari den erronka baten testuinguruan ematen ari da: indarkeriaren areagotzea eta hurrengo agintariaren hautatzeko beharra. Hala, talde armatuekin eta gerrillarekin negoziatzera eseritzea edo uneko Gobernua buru izan duen "bakea eta legezkotasuna" ikuspegiarekin jarraitzearen artean aukeratu beharko du.
Hain zuzen ere, Askapen Nazionalerako Armadarekin (ELN) negoziatzeko beharra da Kolonbiako presidentetzarako hautagaiak bat datozen puntuetako bat.
Horrekin batera, Kolonbiak bizi izan duen hazkunde ekonomikoa (BPGaren % 10,6koa 2021ean) mantentzeko presioa daukate, eta horren jarraipena bermatzeko zein herrialdeko inflazioaren kurba makurtzeko neurriak hartzeko ardura.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.