Ipar Irlandako protokoloaren zati batzuk baliogabetzeko legea aurkeztu du Erresuma Batuko Gobernuak
Europar Batasunarekin sinatutako Ipar Irlandako protokoloaren zati batzuk baliogabetzeko lege-proiektua aurkeztu du Erresuma Batuko Gobernuak Parlamentuan.
Besteak beste, legedi berriak EBren Justizia Auzitegiaren jurisdikzioa ezabatu nahi du Ipar Irlandan.
Europako Batzordeak Erresuma Batuaren aurka bide judiziala aktibatuko du berriro, Ipar Irlandako protokoloa urratzeagatik.
"2021eko martxoan Erresuma Batuko Gobernuaren aurka abian jarritako prozedura berriro martxan jartzea erabaki du Batzordeak. Neurria bertan behera utzi genuen, irtenbideak bilatzeko eta lankidetzari aukera emateko, baina Londresen aldebakarreko ekintzak zuzenean horren kontra doa", adierazi du Maros Sefcovic EBko Exekutiboaren presidenteordeak Bruselan.
"Protokoloa betearazteko borondatea izango du gure erantzunak, eta neurrizkoa izango da", erantsi du buruzagiak galderarik gabeko agerraldian.
Ipar Irlandako Asanbladaren diputatu gehienek gutun bat sinatu dute astelehen honetan Londresen lege-proiektua salatzeko Brexit akordioak urratu nahi dituelako.
Konkretuki, Johnsoni bidalitako gutunean, Erresuma Batuaren jarrera errefusatu dute sinatzaileek Wesminsterreko Ganberan "legedi zoro berri" bat aurkeztu duelako.
Sinn Fein alderdi abertzaleak, SDLP Alderdi Sozialdemokrata eta Laboristak eta Aliantza Alderdiko ordezkariek sinatu dute ekimena. Sinn Feinek iragan maiatzeko hauteskundeak irabazi zituen.
Diputatuek Johnsoni gogorarazi diotenez, legedi berria Ipar Irlandako enpresaburu "gehienen gogoaren kontrakoa" da, baita herritarren "gehiengoaren aurkakoa" ere.
Era berean, errepikatu dutenez, "nahiz eta perfektua ez izan", protokoloa mekanismo "bakarra" da Londresek eta Bruselak Brexitaren ostean adostutako merkataritza arauak betetzeko.
Belfasteko Asanbladaren 90 ordezkarietatik 52k sinatu dute gutuna. DUP Alderdi Demokratiko Unionistak, aldiz, abertzaleekin Gobernua partekatzeari uko egingo diote Londresen eta Bruselaren arteko elkarrizketak protokoloa deuseztatzen baldin badu.
Horregatik, DUPek Londresen aldebakarreko bideari babesa eman dio elkarrizketan akordiorik ezean, baina legedi berria indarrean sartu arte Ipar Irlandako Exekutibora itzuliko ez dela ohartarazi du. Prozesuan hilabeteak eman ditzakete.
Azkenik, Johnsonek protokoloaren aldebakarreko aldaketari garrantzia kendu dio. "Garrantzirik gabeko aldaketak dira", esan du agintariak.
Aldaketekin EBri erronka bota nahi diotenik ukatu du Johnsonek. Erresuma Batuko lehen ministroaren ahotan, "aldaketa burokratiko bat da", eta ez du nazioarteko zuzenbidea urratzen, nahiz eta Europako Batzordeak eta Irlandako Gobernuak guztiz kontrakoa uste.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.