Europar Batasunean sartzeko Ukrainaren hautagaitza babestu dute Frantziak, Alemaniak, Italiak eta Errumaniak
Europar Batasunean sartzeko Ukrainaren hautagaitza onartzearen alde daudela iragarri dute Frantziako, Alemaniako, Italiako eta Errumaniako Gobernuburuek.
Emmanuel Macron Frantziako presidentea, Olaf Scholz Alemaniako kantzilerra, Mario Draghi Italiako lehen ministroa eta Klaus Iohannis Errumaniako presidentea Kievera joan dira gaur goizean Volodimir Zelenskirekin biltzeko, eta, batzarra amaituta, agerraldi bateratua egin dute.
Europako Batzordea ostiral honetan bilduko da Bruselan, Ukrainaren eskaria aztertzeko eta aipatu herrialdeetako buruzagiek hautagaitza berehala aitortzea babestu dute.
"Europa zuekin dago eta garaipenera arte zuen alboan egongo da", adierazi du Macronek.
Scholzek, berriz, gogora ekarri du 27 estatu-kideak ados jartzea ezinbestekoa dela Ukrainari Europar Batasunean sartzeko hautagai-estatusa emateko. Halaber, prozedura azkar egitea defendatu du.
Edonola ere, azpimarratu du blokean sartu nahi duen edozein herrialdek argi izan behar duela irizpideak zeintzuk diren eta, besteak beste, aipatu du nahitaezkoa dela Europar Batasuneko erakundeak eta zuzenbide-estatua errespetatzea.
Bestalde, Zelenskik berretsi du Ukrainak Europar Batasuneko kide izan nahi duela, gainerako herrialde bazkideen eskubide berak aitortuta, eta "bazkide fidagarria" izango dela nabarmendu du. "Kontinenteko herritarren gehiengoa gure aldarrikapenaren aldekoa da", erantsi du.
Bestalde, Ukrainara arma gehiago bidaltzeko eskatu die Zelenskik bere aliatuei, herrialdearen iparraldean eta ipar-ekialdean egoera larria dela ohartarazita.
"Armak bidalita, bizitzak salbatzen dira etsaiaren aurrean eta gure Gobernuak edozertarako prest dago, gure herria askatzeko eta bakea lortzeko", nabarmendu du.
Bakerako elkarrizketen harira, Zelenskik esan du Errusiak proposamen zehatzak eta benetako ekimenak egin behar dituela. Alabaina, horren ordez, Donbassen eraso gehiago egiten ari direla salatu du.
Gauzak horrela, Vladimir Putinen Gobernuaren jarreraren aurrean "batuta" egoteko eta zigor ekonomiko gehiago ezartzeko galdegin die Europako herrialdeei.
Amaitzeko, esker ona adierazi die gaur Kievera joan diren agintariei. "Ukraina sendo dagoela eta Europan gure lekua topatu nahi dugula erakutsi nahi dut", gaineratu du.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.