Japoniak Shinzo Abe beilatu du, haren hilketaren arrazoiak ikertzen dituzten bitartean
Hurbilekoek eta gainerako herritarrek Shinzo Abe Japoniako lehen ministro ohiaren heriotza beilatu dute larunbat honetan. Tokion zuen egoitzara eraman dituzte horren gorpuzkiak. Bitartean, aurrera darrai militar ohi batek egindako hilketaren arrazoiak argitzeko ikerketak.
Aberen gorpua zeraman autoa 13:30ak aldera iritsi da Tokioko Shibuya barrutiko bizilekura, mendebaldeko Nara hiriko ospitaletik atera eta zazpi eta erdi ordu beranduago. Bertan egin dizkiote autopsia eta gainerako izapideak.
60 urteko Akie, Aberen alarguna, zihoan autoan. Bertaraino joan zen ostiraleko gertakariaren ostean; Aberi bizkarrean tiro egin zioten orduan, igande honetan izatekoak diren hauteskunde parlamentario partzialen kanpainan zehar hitzaldi bat ematen ari zela.
Jaurtigaietako batek agintari ohiaren arteria bati eragin zion eta, medikuen arabera, odolustuta hil zen, 67 urte zituela.
Hedabide eta pertsona andana bildu dira bikoteak hiriburuan zuen ohiko etxebizitzaren aurrean. Bere alderdiko, Alderdi Liberal Demokratikoko, zenbait kide ere bertaratu dira.
Narako Yamato-Saidaiji geltokian, Abe tirokatu zutenean mitina ematen ari zen tokian, aldare bat ipini dute gaur. Lagun ugari bertaratu dira errespetua adieraztera, loreak eskaintzera eta otoitz egitera, bezperan ere atentatuaren tokian bertan kandelak eta eskaingaiak ipini eta gero.
Magnizidioaren ustezko arduraduna unean langabezian dagoen 41 urteko militar ohi bat litzateke, Tetsuya Yamagami izenekoa. Tokian atxilotu zuten, urduritasuna oraindik nagusi zenean. Etxean egindako suzko arma batekin tiro egin zuen birritan, bertan zirenen eta segurtasun dispositiboaren nahasmena eraginda. Azken horien jarduketa berrikusten ari dira orain.
Orain arte, atxilotuaren adierazpenak nahasgarriak izan dira eta poliziak ikertzen jarraitzen du. Dirudienez, Yamagamik ukatu egin zuen krimenak zergati politikotik zuenik, baina Aberi gorrotoa ziola esan zuen, bere amari kalte ekonomiko handiak eragin zizkion erakunde erlijioso batekiko ustezko lotura dela eta.
Zure interesekoa izan daiteke
Bi hildako eta 50 zauritu inguru, A-63 errepidean, Landetan, izandako hainbat ibilgailuren arteko istripuan
Flixbus konpainiako bi autobusen arteko istripuaren ondorioz, 50 bat ibilgailuk talka egin dute eta bi pertsona hil eta 50 pertsona inguru zauritu dira.
Europako herrialdeek Groenlandiako subiranotasunaren eta egungo mugen alde egin dute, NATOko kide gisa
Besteak beste, Espainiak, Frantziak eta Danimarkak babestu dute adierazpena. Esan dutenez, AEB "funtsezko bazkidea" da Artikoa "seguru" mantentzeko, baina adierazpena Donald Trumpek lurraldea bereganatzeko egindako mehatxuen ostean iritsi da.
Venezuelan atxilotutako preso politiko espainiarrak askatzeko eskatu dio Espainiak Delcy Rodriguezi
Nicolas Maduro atxilotu eta Venezuelako presidenteordeak agintea bere gain hartu ostean, Espainiako Gobernuak ahozko ohar baten bidez helarazi dio bere eskaera.
Trumpek bultzatutako Kapitolioaren aurkako erasoaren bosgarren urteurrena
2021eko urtarrilaren 6an, Donald Trumpen ehunka jarraitzaile Kapitolioan sartu ziren, Joe Biden demokrataren hauteskunde garaipena berresten zen bitartean. Bost urte geroago, erasoagatik auzipetutako 1600 pertsonak indultatu egin dituzte, edo zigorrak kommutatu zaizkie.
Boluntarioen Koalizioak Ukrainarentzako segurtasun konpromiso zehatzak lortu nahi ditu Parisen
AEBk lehen aldiz parte hartuko du Europako buruzagiekin eta Zelenskirekin batera Ukrainako gerrari irtenbide bat bilatzeko aurrez aurreko goi-bilera oso batean.
6,2 graduko lurrikara batek Japonia astindu du
Japoniako agintariek ziurtatu dute ez dagoela tsunami arriskurik.
Machadok eskerrak eman dizkio Trumpi Maduro atxikitzeagatik eta lehenbailehen itzultzeko asmoa agertu du
Fox News telebista katean egindako elkarrizketa batean, Machadok adierazi du bera buru duen oposizioak Venezuela Ameriketako energia gune bihurtuko lukeela, atzerriko inbertsioaren segurtasuna bermatzeko zuzenbide estatua berrezarri eta Maduroren agintaldian herrialdetik ihes egin zuten venezuelarren itzulera erraztu. Hala ere, Trumpek Venezuelako gobernua Machadoren esku uztea baztertu du, herrialdearen babesik ez duela argudiatuta.
Delcy Rodriguezek Venezuelako presidente karguaren zina egin du, Maduroren bahiketaren ostean
Orain arteko presidenteorde exekutiboak "ohorez eta minez" zin egin du Latinoamerikako herrialdeko behin-behineko buruzagi berri bezala, Asanblea Nazionalean. Jorge Rodriguez Parlamentuko presidenteak Nicolas Maduro presidentearen itzulera ezarri du helburu nagusitzat. Caracasen dozenaka hildako utzi zituen operazio militar batean atzeman zuen AEBk.
Madurok errugabetzat jo du bere burua AEBko epailearen aurrean
Venezuelako presidentearen eta haren emaztearen abokatu taldeek erabaki dute "une honetan" baldintzapeko askatasuna ez eskatzea.
EBk ez du Groenlandia arriskuan ikusten, AEB herrialde aliatua delako
Bestalde, Danimarkako lehen ministroak ohartarazi duenez, "NATOko herrialde batek NATOko beste herrialde bati eraso egiten badio, dena amaituko da".