Modernak Pfizer eta BioNtech salatu ditu ARNm patentea "hausteagatik"
Moderna enpresa farmazeutikoak salaketa bat jarri du Pfizer eta BioNtech konpainien aurka, 2010 eta 2016 artean ARNm-ren teknologiaren garapenaren parte gisa aurkeztu zuen patentea hautsi izana egotzita.
"Eskaera horiek aurkeztu ditugu ARNm-ren teknologia-plataforma berritzailea babesteko. Aitzindariak izan ginen plataforma horretan, eta milaka milioi dolar inbertitu genituen hura sortzeko, covid-19aren pandemiaren aurreko hamarkadan patentatu genituenak", adierazi du gaur Stéphane Bancel Modernako zuzendari exekutiboak ohar batean.
Modernaren arabera, Pfizer estatubatuarrak eta BioNtech alemaniarrak koronabirusaren aurkako txerto propioa garatu zuten ARNm teknologia erabiliz, "Modernako asmakizunak legez kanpo kopiatu zituzten, eta baimenik gabe erabiltzen jarraitu dute", esan du Shannon Thyme Klinger konpainiaren lege-zuzendariak.
"Modernak uste du Pfizerrek eta BioNTechek Modernako teknologia patentatuen funtsezko bi ezaugarri kopiatu zituztela, funtsezkoak direnak ARNm-ren txertoen arrakastarako", ostiral honetan zabaldutako idazkian jasotzen denez, non baieztatu duten bi konpainiek ez zutela behar adinako esperientziarik ARNm-ren teknologian oinarritutako txertoak garatzeko 2019an, koronabirusaren pandemia lehertu zenean.
Massachusetts-en (Ameriketako Estatu Batuak) egoitza duen enpresak argudiatu duenez, 2020ko urrian covid-19arekin lotutako patenteen gaineko eskubideak ez eskatzeko konpromisoa hartu zuen pandemiak jarraitzen zuen bitartean.
Hala ere, bere esanetan, 2022ko martxoan konpromiso hori eguneratu zuen, Osasunaren Mundu Erakundearen COVAX programak eta GAVI fundazioak diru-sarrera txiki eta ertainekotzat jotako 92 herrialdeetan erreklamaziorik eskatuko ez zuela ziurtatuz.
Ohar horretan, Modernak argudiatu duenez, aurtengo martxotik aurrera, "covid-19aren aurkako borroka kolektiboa fase berri batean sartu zenean eta txertoen hornidura munduko leku askotan sartzeko oztopo izateari utzi zionean", konpainiak "espero zuen Pfizer eta BioNTech bezalako enpresek jabetza intelektualeko beren eskubideak errespetatuko zituztela, eta merkataritza-lizentzia arrazoizkotzat joko zutela, beste merkatu batzuetarako eskatuz gero".
Modernak azpimarratu duenez, salaketarekin ez du "Cominarty", Pfizerrek eta BioNTechek koronabirusaren aurka garatutako txertoaren izen komertziala, kentzea bilatzen, ezta COVAX programak txertoaren banaketan laguntzeko konpromisoa hartu duen 92 herrialdeetako salmenten konpentsaziorik jaso ere.
Era berean, bere erreklamazioak 2022ko martxotik ondorengo aldira mugatzen direla zehaztu du.
Konpainiak adierazi duenez, salaketa bana aurkeztu du AEBetan eta Alemanian, eta ez du xehetasunik eman bi konpainiei eskatzen dizkien konpentsazio ekonomikoei buruz.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.