Normaltasuna eta jendetza nagusi Txileko plebiszituaren lehen orduetan
Normaltasuna eta jendetza izan dira nagusi Txilen konstituzioa bozkatzeko mahaietan. Udaberri kutsuko egun honetan, halakoak izan dira erreferendum erabakigarriaren lehen orduak. 15 milioi txiletarrek Konstituzio berria onartu edo Augusto Pinocheten diktaduraren pean 1980an idatzitakoa mantendu erabakiko dute.
Hautetsontziak itxi eta bi ordura ezagutuko dira emaitzak. Euskal Herriko 00:00ak aldera hasiko da zenbaketa.
Gabriel Boric Errepublikako presidentea izan da hautetsontzietara bertaratzen lehena. Punta Arenas jaioterrian bozkatu du, gurasoek, Irina Karamanos bikotekideak eta bi anaietako batek lagunduta.
Boricek nabarmendu duenez, "munduaren begiak Txileren gainean jarrita daude". Hala, "alaitasunez eta arduraz" bozkatzeko gonbita luzatu die herritarrei eta ohartarazi du, emaitza dena dela, herrialdea prest dagoela erreformekin aurrera egiteko.
Boric, hauteslekuan, botoa ematen. Argazkia: EFE
Dena den, Michelle Bachelet presidente ohi progresista izan da goiztiarrena, Txileko presidente ohien artean ezezkoaren aldeko botoa argi iragarri duen bakarra. Eduardo Frei zentroko kidea ere ezezkoaren alde agertu da.
Ezezkoaren aldeko Sebastian Piñera agintari kontserbadore ohia ez da hain garbia izan, baina azpimarratu du Txilek "Konstituzio berria eta ona" behar duela.
Igande honetako bozketa historikoan 514.000 atzerritar daude bozkatzera deituta, 2019an erroldatutakoak baino 125.000 gehiago (orduan piztu zen prozesua bultzatu zuen "gizarte eztanda"). Horiek ere eragin handia izan lezakete kolokan dagoen emaitzan, aldea oso estua izango dela aurreikusten baita.
Zure interesekoa izan daiteke
Muga-zergen inguruko jarrera "irmoa" erakutsi du Trumpek, % 10eko muga-zerga globala ezarriko lukeen aginduarekin
AEBko presidenteak agerraldia egin du ostiral arratsaldean, eta epaia "guztiz etsigarria" dela esan du. Trumpek esan du "lotsatu" egiten dela "Auzitegi Goreneko zenbait kiderekin, gure herriarentzat zuzena dena egiteko adorerik ez dutelako".
AEBko Auzitegi Gorenak legez kanpokotzat jo ditu Trumpek ezarritako muga-zergak
Ebazpen honen ondorioz, inportazioak garestituta kaltetu diren milaka enpresak auzitara jotzeko aukera izango dute, eta dirua itzultzea eska dezakete.
Venezuelako Parlamentuak aho batez onartu du amnistia legea, eta "une politiko berri bat" ireki du
Delcy Rodriguez Venezuelako presidente arduradunak azpimarratu du "herriak modu baketsuan elkarbizitzen ikasteko" balioko duela, eta Helicoideko kartzela ixteko eskatu du.
10 egun eman dizkio Trumpek Irani akordio batera iristeko
AEBko presidenteak ez du Ekialde Hurbilean ekintza militarra egitea baztertzen. Hain zuzen ere, hainbat hedabideren arabera, larunbaterako prest egon daiteke armada erasoa hasteko.
Hamarkada bat igaro da Epstein kasuak Andrew Ingalaterrako printze ohia zipriztindu zuenetik
Karlos III.ak printze titulua kendu zion pasa den azaroan Andrew anaiari, eta Windsorretik kanporatu egin zuen, Jeffrey Epsteinekin izandako loturengatik.
Andrew printze ohia aske utzi dute, Epsteinekin lotura izatea egotzita hamar orduz atxilotuta egon ondoren
Aylsham herriko polizia-etxetik irten da ibilgailu baten atzealdean. BBC telebista kateak jakitera eman duenez, fidantzapean aske utzi dute, ikerketak aurrera egin bitartean. Funtzio publikoetan jokabide txarra izatea egotzi diote.
Zuckerbergek Instagram defendatu du epailearen aurrean, eta haien adinaz gezurra esaten duten adin txikikoak kritikatu ditu
Instagram sare sozialak erabiltzaileen adina egiaztatzeko dituen mekanismoak defendatu ditu Metaren sortzaile eta buru denak, Los Angelesen egiten ari diren epaiketan.
AEBko Armada Irani erasotzeko prest dago, baina Trumpek ez du erabakirik hartu oraindik
Azken egunotan, Pentagonoak hegazkin eta itsasontzi gehiago mugitu ditu Ekialde Hurbilera, eta inguru horretan duen presentzia nabarmen handitu. Gainera, Ekialde Hurbilean dituen langile batzuk Europara eta Estatu Batuetara mugiarazi ditu, Iranen gertatu daitekeenaren aurrean.
Zelenskik iragarri du Errusiarekin lan egiten dabilela, Ukrainako balizko su-etena egiaztatzeko mekanismoak ezartzeko
Ukraina, Errusia eta Ameriketako Estatu Batuetako ordezkariek Genevan egin dituzten hiruko bileraren ostean Zelenskik adierazi duenez, ordea, ez da aurrerapausorik izan arlo politikoan.
Iranek aurreratu du "oinarrizko akordio nuklearra" lortu duela AEBrekin
Helburu eta gai tekniko garrantzitsuenetan ados jarri dira, eta, orain, hori guztia testu batean ezarri beharko dute. Hala jakinarazi du Teherango Atzerri ministroak.