Charles III.a eta publiko aurrean izandako haserreak: patxada ingelesaren amaiera?
Elizabeth II.ak hamarkadaz landutako monarkiaren irudi sendoa eta apala nolabait Charles III.ak pitzatu duela uste dute askok, eta horren adierazle izango lirateke azken egunetan publikoaren aurrean errege berriak izandako haserreak.
Une historikoaren presioak jota, ala Charles III.a bera odolbero delako, errege berria lerroburuetara eraman dute komunikabide anitzek azken egunetan, eta sare sozialetan bolo-bolo zabaldu dira haserreen irudiak, iseka eta kritika tarteko. Hona hemen bere lehenengo ika-mikak.
Arazoak titontzi batekin
Joan den irailaren 10ean ofizialki errege izendatu zuten ekitaldian, Erresuma Batuko lehen ministro ohi batzuk eta Estatuburuak bertan zeudela, titontzi baten kokapenagatik haserretu zen Elizabeth II.aren semea.
Dirudienez, titontziaren erruz, ezin zuen erosotasunez liburuan sinatu, eta erditik kentzeko keinu bizia egin zien laguntzaileei. Sare sozialek haserrearen unea jaso zuten.
"Gorroto dut!"
Hiru egun geroago, Hillsborougheko gazteluan bisiten liburuan sinatzen ari zela, tintarekin eskua zikindu zuen 73 urteko erregeak. "Jainkoarenean, luma hau gorroto dut!", adierazi zuen. Mahaitik altxatu zen, haserre bizian, eta kexuka jarraitu zuen, eskua zapi batekin garbitzen zuen bitartean: "Ezin dut gauza hori aguantatu! (…) Beti egiten du hori!".
Minutu batzuk lehenagotik omen zegoen suminduta erregea, konturatu zenean data okerra idatzi zuela. Azkenean bertatik alde egin zuen, Camilla bere emaztea itxaron gabe, horri oraindik falta zitzaiola sinatzea.
"Egun librea"
Oporrak hartzeko "beharrarekin" lotutako azken ika-mika ostegun honetakoa izan da. BBC telebista-katearen arabera, "atseden hartzeko" egun libre izan zen Charles III.arentzat, bere agintaldiaren lehenengo astea betetzen denean.
BBCk aipatuta, Cahrles III.a Highgroveko landa-etxean izan zen, errege izateko prestatzen eta dokumentuak sinatzen, horretarako seguru asko lumarik erabili ez zuela.
Zure interesekoa izan daiteke
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.