Charles III.a Erresuma Batuko errege aldarrikatu dute
Elizabeth II.a erreginaren heriotzaren ondotik (96 urte), haren seme Charles III.a (73) izendatu dute gaur, irailak 10, Erresuma Batuko eta Commonwealtheko 14 herrialdetako errege.
Aldarrikapen ekitaldia 10:00etan hasi da, St. James Jauregian, Londresen, Tronuratze Batzordearen aurrean, eta historian lehen aldiz, zuzenean eman dute telebistaz.
Orain arte Galesko printzea zena automatikoki igo zen tronura ostegunean, ama hil ondoren, eta, beraz, aldarrikapena zeremonia hutsa izan da, protokoloz egin beharrekoa. Koroatze ekitaldia hemendik hilabete batzuetara egingo da.
Erregea aldarrikatzeko ekitaldian, Elizabeth II.aren heriotza iragarri da, eta, horren ondoren, aldarrikapen tradizionala irakurri da.
Gero, aparteko gela batean, Charles III.ak adierazpen bat egin du eta Eskoziako Eliza babestuko duela zin egin du, agiria sinatuz. Bere alboan izan ditu Camila emaztea eta William semea. Aurrean, berriz, egungo eta aurreko agintari politiko zein gizarte arlokoak.
Charles III.ak atzo, ostirala, eman zuen lehen hitzaldi ofiziala errege gisa. Orduan egin bezala, gaurko hitzaldian ere "amaren eredua"ri jarraipena emango diola esan du, kontziente dela "ardura handia" duela eta "Gobernu konstituzionalari eusteko zein bakea, armonia eta oparotasuna izateko" lanean jarraituko duela.
700 kide baino gehiago ditu Tronuratze Kontseiluak baina 200 inguru baino ez dituzte deitu ekitaldirako. Kontseilua bi zatitan banatuta dago eta presidente bat du buru. Hain zuzen ere, Penny Mordaunt Komunen Ganberako presidentea izendatu dute kargu horretarako. Liz Truss lehen ministro berriaren Gobernuak irailaren 6an izendatu zuen Mordaunt kargurako, eta ondoren, Eskozian, Elisabeth II.ak berak berretsi zuen postuan.
Charles III.a buruzagi erlijioso eta politikoekin bildu da
Errege berriak, lehenik eta behin, Justin Welby Canterburyko artzapezpikua, Eliza Anglikanoko primatua, hartu du Buckingham Jauregian, 14:00etan. Ordu erdi geroago, Liz Truss lehen ministroaren eta bere kabinete kontserbadoreko kidekin bildu da eta 15:00etan, Parlamentuko oposizioko buruzagiekin egin du bilera.
Azkenik, harrera pribatua egin dio David Hoyle Westminsterreko deanari. Errege-jurisdikzioaren mende dago Westminstergo gurtza-lekua eta arduradunak erregearen aurrean eman behar du kontu.
Aldarrikapena errepikatuko da bihar Eskozian, Ipar Irlandan eta Galesen
Saint Jameseko jauregian izan den aldarrikapenaren ondoren, bigarren iragarki bat egin dute Royal Exchangen, antzinako burtsan, Londresko Cityan.
Bihar ere aldarrikapenak izango dira Eskozian, Ipar Irlandan eta Galesen.
Irailaren 19an izango da Elizabeth II.aren hileta, Londresen
Isabel II.a erreginaren aldeko estatu-hileta irailaren 19an izango da, 11:00etan (10:00 GMT) Westminsterreko abadian, Londresen, Buckingham Jauregiak iragarri duenez.
Larunbat honetan Erresuma Batuko errege berri izendatu ostean, hainbat erabaki hartu ditu Charles II.ak, horien artean, Elizabeth II.aren hileta-eguna jaiegun nazionala izatea Erresuma Batuan.
Zure interesekoa izan daiteke
Honela gelditu da Hungariako Asanblea Nazionala hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV .a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, Irango portuak helmuga edo irteera dituzten ontziei bidea itxiz.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.
Peter Magyar, Orbanen nagusitasunari amaiera eman dion kontserbadorea
Arlo ekonomikoan modernizatzaile, eta sozialean, kontserbadore, Magyar gai izan da bere inguruan biltzeko ofizialismoan jada gustura ez zeuden horiek, bai eta oposizio liberala eta, are, progresista ere, Orbanen eta haren Fideszen 16 urteko agintearen ostean, aldaketa gosez zirenak, guztiak ere. Ustelkeriaren kontrako diskurtso indartsuarekin, erakundeak "garbitzera" dator, funts europarrak berreskuratzera eta ekonomia biziberritzera.
Urkulluren ustez, Magyarren garaipena EBrako "itxaropen puntu bat" da, baina adierazi du zuhur jokatu beharko litzatekeela harekin
Iñigo Urkullu lehendakari eta eAtlantic fundazioaren presidenteak adierazi duenez, Europar Batasunaren ikuspuntutik, Magyarrek Orbanen aurrean lortutako garaipena "itxaropen puntu bat" da, baina "nondik datorren" kontuan hartuta, zer politika darabilen ikusi arte itxarotea eskatu du.
Magyarren gehiengoak Orbanek hartutako norabidea eta ezarritako oreka alda ditzake
Lehen ministro berriak Parlamentuaren bi heren baino gehiago lortu ditu, eta Budapest berriro EBra gerturatuko dela agindu du, Bruselan, Moskun eta Kieven berehalako ondorioak izango dituen mugimendu batean.
"Hainbat ontzi" petrolio bila AEBra doazela esan du Trumpek eta Iranek ohartarazi du Ormuzera doazenek su-etena urratuko dutela
Ameriketako Estatu Batuek Ormuzko itsasartea blokeatuko dutela iragarri dute astelehenetik aurrera (14 GMT, 16:00ak Euskal Herrian eta 17:30ak Teheranen).