EBk Errusiaren aurkako zigor berriak prestatzea eta Ukrainari armak bidaltzen jarraitzea adostu du
Vladimir Putin Errusiako presidenteak atzo egindako iragarpenak, 300.000 erreserbista Ukrainara borrokatzera bidaliko dituela adierazteak, erreakzio soka luzea ekarri du. Berriena da Europar Batasuneko 27ek Errusiaren aurkako zigor gehiago adostu dituztela goizaldean. Zigor horiek zein izango diren jakitea falta da.
Hala adierazi du Josep Borrell Europar Batasuneko Kanpo Politikarako goi ordezkariak ohar batean, eta aurreratu du zigor sorta berri horrek Errusiako ekonomiaren sektore berriei eragingo diela, teknologikoari barne, eta gizabanako berriak barne hartuko dituela. Oraindik, baina, neurriak itxi gabe daudela zehaztu du. Gainera, Bruselak Ukrainari laguntzen jarraituko duela adierazi du Borrellek, ekipo militarra hornituz.
Ildo horretan, Europar Batasunak "Errusiaren legez kanpoko azken erasoa" gaitzetsi du, nazioarteak Kremlini Ukrainaren aurkako "eraso militarra" gelditzeko "dei ugari" egin arren.
Nazio Batuen Batzar Nagusiak (NBE) premiazko bilera egin du New Yorken, eta, neurri sorta berriak ezarriko eta Kievi laguntzen jarraituko dutela adosteaz gain, gaitzetsi egin dituzte Ukrainan okupatutako eremuetan Errusiarekin bat egiteko erreferendumak antolatzeko planak, argi utziz kontsulta horien emaitzak ez dituztela sekula aintzat hartuko. Gaineratu duenez, bai Errusiak, bai bertako buruzagi politikoek eta erreferendum horiek antolatzen esku bat bota duen orok kontuak eman beharko dituzte.
Errusiako presidenteak bere hitzaldian adierazi zuen atzo bertan prestatuko zituela militar ohiak eta erreserban zeuden herritarrak Ukrainako Donbass eskualdea "askatzeko". Eta espero moduan, erreakzio soka handia eragin du munduko buruzagien artean. Emmanuel Macronek Putinen erabakia deitoratu zuen, eta Errusiako presidentearen gaineko presioa areagotzea eskatu zien herrialde guztiei. "Errusia gero eta bakartuago dago", azpimarratu zuen.
Pedro Sanchez Espainiako gobernuburuaren hitzetan, Putinek ondorioetan pentsatu gabe hartu du erabakia. Joe Biden Ameriketako Estatu Batuetako presidenteak, bestalde, "Europaren aurkako mehatxu nuklearren" aurrean batasuna eskatu dio nazioarteari, eta Txinak elkarrizketarako deia egin du, eta Ukrainan su etena ekarriko duen "edozein ahalegin" babestea eskatu du.
Putinen diskurtsoaren ondorioz, Errusiatik ateratzeko joaneko hegaldiak erritmo bizian saldu ziren asteazken honetan, horietako batzuk, agortzeraino. Vesna oposizioko mugimenduak berriz, protestak egin zituen atzo arratsaldean Errusiako hainbat hiritan, eta Poliziak 1.000 pertsonatik gora atxilo eraman zituen. Moskuko Fiskaltzak ohartarazi du 15 urte arteko espetxe zigorra eskatuko duela legez kanpoko protesta hauetan parte hartzen dutenen aurka.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.