Mehatxu militarrekin eta bermerik gabe hasi ditu Errusiak Ukrainako lurralde okupatuak atxikitzeko galdeketak
Errusiak hasiera eman die Ukrainan okupatutako lurraldeak bereganatzeko helburuz deitutako legez kanpoko erreferendumei.
Nazioarteak ez ditu aintzatetsi galdeketak, eta horiek inolako berme demokratikorik gabe egiten ari dira: gerraren erdian abiatu dituzte, eta agintari errusiazaleak eta soldadu errusiarrak etxez etxe joaten ari dira, hautestontziak eta armak eskuetan, botoak jasotzeko.
Horren ildotik, ukrainar agintariek salatu dute soldadu errusiarrek herritarrei mehatxu egin dietela, "zuzen" bozkatu dezaten.
Melitopol hiriko alkateak, Ivan Fedorov-ek, azaldu du "hauteskunde batzordeetako" kideak metrailetak eskuan joaten ari direla etxez etxe, Errusiaren alde bozkatzera derrigortzeko.
Bere aldetik Lugansk eskualdeko gobernadoreak, Serhiy Haidaik, esan du Mosku egiten ari dena "sasi-erreferenduma" dela, eta "soldaduek behatuta" ematen ari direla botoa.
Dmitri Peskov Errusiako Gobernuko bozeramailearen arabera, Ukrainako lurralde okupatuek "azkar" egingo dute bat Errusiarekin erreferendumen ostean. Gainera, "beste errusiar lurraldeak" bezala babestuko dituztela ohartarazi du.
Galdeketak Donetsken, Luhansken, Khersonen eta Zaporizhian deitu dituzte.
Bozketa 8:00etan hasi da, eta 16:00ak arte luzatuko da. Hori bera gertatuko da hurrengo egunetan irailaren 27ra arte, egun horretan bukatuko baita prozesua.
Ukraina eta nazioarteko komunitatea, bozketaren aurka
Kievek defendatu du lurralde okupatuetan ez dagoela "erreferendum izeneko legezko ekintzarik", eta gaineratu du gerrarako soldaduak biltzeko "propaganda ikuskizun" bat besterik ez dagoela.
Ukrainako Parlamentuak asteazkenean onartu zuen Errusiari atxikitzeko erreferenduma onartezintzat jotzea, eskualde horietako hainbateko agintariek proposatuta.
NATOk, bere aldetik, berretsi du ez duela bozketen emaitza onartuko, "zilegitasunik ez dutelako" eta "Nazio Batuen Gutuna hausten dutelako". Aliantzak dei egin die "estatu guztiei" Errusiaren "lurralde konkistarako" saiakera horiek errefusatzeko, eta azpimarratu du Donetsk, Luhansk, Kherson eta Zaporizhiako eskualdeak "Ukraina" direla.
"Mobilizazio militar partziala"
Vladimir Putin Errusiako presidenteak Ukrainako gerraren aldeko mobilizazio militar partziala iragarri zuen asteazken honetan nazioari egindako hitzaldi batean. "Ahal dugun guztia egingo dugu erreferendumak egiteko eta herritarrek beren borondatea adierazteko segurtasun baldintzak bermatzeko", adierazi zuen.
Presidenteak, halaber, gaineratu zuen "Donetsk eta Luhansk herrietako eta Zaporizhia eta Kherson eskualdeetako herritar gehienek euren etorkizunari buruz hartuko duten erabakia babestuko" duela.
Ildo horretatik, Viacheslav Volodin Errusiako Estatu Dumako presidenteak eskualde horietako biztanleei eskatu die "libreki bozkatzeko" eta "beldurrik ez izateko".
Zure interesekoa izan daiteke
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.