Atzera bota dute Frantziako Gobernuaren aurkako zentsura mozioa
Ezkerreko alderdiek Frantziako Gobernuaren aurka aurkeztutako zentsura mozio bat atzera bota dute astelehen honetan, Marine Le Pen ultraeskuindarrak haren alde egingo zuela iragarri arren, ez baitu behar adina boto jaso.
Guztira, 239 diputatuk babestu dute mozioa, Elisabeth Borne lehen ministroaren Gobernua erorarazteko behar ziren 289 diputatuetatik urrun. Aurrera ateratzekotan, Bornek dimitituko zukeen.
Orain, Frantziako diputatuek bigarren zentsura mozioari buruzko iritzia eman behar dute, oraingoan, Le Penen taldeak aurkeztu baitu. Bigarren mozio horrek are aukera gutxiago ditu aurrera egiteko, ez baitu ezkerraren babesik izango.
Ez batak, ez besteak ez zuten gainerako taldeen babesik, eta horrek oso urrun uzten zituen aginduzko 289 boto horietatik. Ezkerrak 151 eserleku ditu, eta ultraeskuinak beste 89 Asanblea Nazionalean, beraz, kontserbadore moderatuen babesa behar zuten horiek aurrera ateratzeko.
Zentsura mozioak joan den astearen amaieran aurkeztu ziren, Bornek 2023ko aurrekontuak mekanismo konstituzional baten bidez onartzea erabaki ondoren, 49.3 artikuluaren bitartez, alegia, Batzar Nazionaleko eztabaida saihesten duena.
Horren truke, lehen ministroak zentsura mozioak aurkezteko atea ireki zuen, eta mozio horiek aurrera eginez gero, bere gobernua kanporatuko zuten.
Emmanuel Macron presidenteak ez du gehiengo osorik ganberetan, eta zentsura mozio bat aurrera ateratzen bada, hauteskunde legegileak deituko dituela mehatxu egin du.
Zure interesekoa izan daiteke
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.