Txinak covid-19aren kutsatze berrien eguneroko datuak argitaratzeari utzi dio
Lehen kasuak izan eta hiru urtera, Txinak covid-19aren olaturik larrienetako bat bizi du, eta birusaren hedapen azkarrak zalantzak sortu ditu zifra ofizialen fidagarritasunaren inguruan. Agerraldi berri honen aurrean berriz ere gainezka daude herrialdeko ospitaleak, gorputegiak eta errausketa labeak.
Igande honetan herrialdeko Gaixotasunen Kontrolerako eta Prebentziorako Zentroak iragarri du aurrerantzean ez dituela argitaratuko 2020. urte hasieratik covid-19aren kasu berriak eta gaixotasunaren ondoriozko heriotzak zehazten zituen eguneroko txostena.
Datuen egiazkotasunari buruz zalantzak sortu dira azken boladan; izan ere, azken asteetan zabaldutako txostenetan ez dituzte, esaterako, asintomatikoen datuak ematen, eta horri gehitu behar zaio dagoeneko ez dela nahitaezkoa herritarrek ohiko PCR probak egitea. Ondorioz, birusaren benetako hedapena baino kasu dezente gutxiago detektatzen dira.
Larunbatean argitaratutako azken txosten ofizialaren arabera, 4.128 kasu berri atzeman ziren bezperan, eta ez zen heriotzarik izan. Hala ere, Osasun Batzorde Nazionalaren bilera baten aktak adierazten zuenez, eguneko kutsatze berrien benetako kopurua 37 milioira irits zitekeen, eta, hil honen lehen egunetan, 248 milioi pertsona inguru (biztanleriaren % 18) kutsatu zirela adierazten zuen.
Nazio mailako informaziorik ezean, probintzia eta hiri batzuk kutsatze boladari buruzko datu propioak argitaratzen hasi dira.
Albiste gehiago mundua
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.