Beste 7 urteko espetxe zigorra ezarri diote Suu Kyi birmaniar lider ohiari
Aung San Suu Kyi Birmaniako lider ohiari 33 urteko kartzela zigorra ezarri diote orotara, 2021eko otsailean estatu kolpe baten ondorioz kargutik kendu zutenetik izandako borroka judizial luzean. Izan ere, ostiral honetan beste zazpi urteko espetxe zigorra batu zaie aurrekoei.
Naipyidoko espetxean dagoen auzitegi militar batek azken epaia eman du gaur, lurrak alokatzearekin eta helikopteroak erosi eta alokatzearekin lotutako bost kargurengatik. Espetxe horretan dago, hain zuzen ere, Nobel sariduna, zigorra betetzen.
Europar Batasunak Suu Kyiren azken epaia gaitzetsi du, "beharrezko bermerik" gabeko prozesu batean epaitu dutela iritzita.
Josep Borrell EBko Atzerri Gaietarako goi ordezkariaren bozeramaile batek ohar baten bidez adierazi duenez, Myanmarko (Birmania) militarrek kontrolatutako auzitegi batek Win Myint presidente atxilotuaren eta Aung San Suu Estatu kontseilariaren aurkako azken epaiak eman ditu ostiral honetan. Horrela, azken hamahiru hilabeteetan "arrazoi politiko hutsengatik" izandako hainbat epaiketa amaitu dira gaur.
"Epaiketa horiek legezko prozedura eta beharrezko berme judizialak errespetatu gabe egin ziren, eta demokratikoki aukeratutako agintariak bizitza politikotik kanpo uzteko ahalegin argia dira", azpimarratu du bozeramaileak.
Win Myintek eta Aung San Suu Kyik 12 eta 33 urteko espetxe zigorrak dituzte aurretik, hurrenez hurren, hiru urteko bortxazko lanak barne.
"Europar Batasunak gogor gaitzesten ditu epaiketa horiek, epai horiek eta Myanmarko demokraziaren eta zuzenbide estatuaren desegite orokorra", azpimarratu du.
Gaineratu duenez, EBk benetako elkarrizketa defendatzen jarraitzen du herrialdean; Suu Kyiren, Demokraziarako Liga Nazionalaren, Batasun Nazionaleko Gobernuaren, gizarte zibilaren eta Myanmarko gainerako alderdi interesdun guztien parte hartzearekin, "herrialdeak bizi duen krisi sakonetik ateratzeko eta demokraziarako bidea berrezartzeko bidea irekitze aldera".
EBk, halaber, kezka handia agertu du hautamenez atxilotutako pertsona kopuru handiagatik, eta preso politiko guztiak berehala eta baldintzarik gabe askatzeko deia berretsi du.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.