Nazioarteko auzitegi baten aurrera eraman dezakete Putin?
Ukrainak nazioarteko auzitegia eskatzen du Errusiaren gerra krimenak epaitzeko. Horrelako zerbait gertatzea zaila badirudi ere, antzerako aurrekari historikoak badaude.
Vladimir Putin nazioarteko auzitegi baten aurrera eramatea eta gerra krimenak egiteagatik betiko kartzela-zigorra ezartzea nahiko lukete milioika ukrainiarrek.
Azken hilabeteetan nazioarte mailan horretaz eztabaidatzen ari dira, alegia, Ukrainaren aurka Errusia egiten ari den gerra legez nola aztertu.
Nazioarteko auzitegi berezia martxan jartzea ez du Zelenskyk soilik eskatzen. Ursula Von der Leyen Europako Batzordeko presidenteak ondorengoa esan berri du: "Estatu subirano baten aurka egindako krimen negargarriengatik ordainu beharra dauka Errusiak". Von der Leyen ez zen diru ordainketen inguruan bakarrik hitz egiten ari. Europar Batasuneko estatu eta gobernu buruak ere zentzu berean agertu ziren.
Horrelako auzitegi baten beharrari buruzko eztabaida ugari daude. Batzuek ohartarazten dutenez, auzitegi berezi batek Nazioarteko Zigor Auzitegia ahulduko luke, dagoeneko Ukrainako krimenak ikertzen dituelako.
Nazioarteko Zigor Auzitegiak genozidioa, giza eskubideen aurkako krimenak eta gerra krimenak epaitu eta zigortzeko eskumena du. Baina kasu honetan ez du eskumenik Errusiak egindako gerra krimenak epaitzeko, Errusiak ez duelako Nazioarteko Zigor Auzitegiaren estatutua inoiz sinatu, beste dozena bat estatuk, Amerikako Estatu Batuak horien artean, sinatu ez duten bezala. Errusiaren aurka ikerketa egiteko, Nazioarteko Zigor Auzitegiak Nazio Batuetako Segurtasun Kontseiluaren baimena behar du, eta hor Errusiak beto eskubidea dauka. Polizia batek gaizkile bat atxilotzeko haren baimena behar izatearen modukoa da.
Nazioarteko Zigorr Auzitegiren eskumenak zabaltzea eskatzen dute zenbatzuk, sinatu ez duten estutuak ere ikertu eta epaitu ahal izateko. Baina horrelako erreforma baten arrakasta ez dago argi. Gainera, horretarako urteetako eztabaida luzeak behar dira. Eta Ukrainako krimenak orain ari dira gertatzen.
Beraz, auzitegi berezi baten ideia zabalduz doa estatuen koalizio zabal baten barnean. Ad hoc sortutako auzitegi bat izango litzateke, eskumenak Ukrainako gerran soilik edukiz.
Beste eredu batzuk era badaude, baina ez dira kasu honetan egokiak. Alegia, Nurenbergen eta Tokion Bigarren Munduko Gerran izan ziren auzitegien ereduak ez du balio. Alemaniak eta Japoniak gerra galdu zuten, menderatu egin zituzten. Hori ez da Errusiarekin gertatuko, potentzia nuklearra delako. Baina Ukrainako gerra krimenei buruzko ikerketa auzitegi berezi baten aldetik egitea garrantzitsua izango litzateke, nahiz eta gerra amaitu gabe egon.
Horren adibide bat Jugoslavia Zaharreko Gerrako Krimenetarako Auzitegia dugu. Besteak beste, Slovodan Milosevic Yugoslaviako presidente ohia epaitu zuen. Baina eredu hau ere ezin da Ukrainako gerrara ekarri, egoera ezberdina delako.
Beraz, zaila dirudi Vladimir Putin noizbait nazioarteko auzitegi baten aurrera eramatea.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.