Greziako Garraio ministroak dimisioa eman du, gutxienez 36 hildako utzi dituen tren istripuaren ostean
Kostas Ajileas Karamanlis Greziako Azpiegitura eta Garraio ministroak dimisioa eman du, bart Greziako erdialdean bi trenek talka egin eta gutxienez 36 hildako eta dozenaka zauritu utzi ostean.
Karamanlisek bere Twitter kontuan argitaratutako mezu batean dioenez, "Azpiegitura eta Garraioko ministro kargua uzten dut. Nire eginbeharra dela uste dut, hain bidegabeki hil diren pertsonen oroimena errespetatzeko".
Ministro kontserbadoreak azpimarratu du 2019an, Garraio Ministerioaren buru izendatu zutenean, bere gain hartu zuela trenbide-sektore baten erantzukizuna, "XXI. mendeari ez dagokion egoera batean".
"Hiru urte eta erdi hauetan errealitate hori hobetzeko ahalegin guztiak egin ditugu", baina aitortu du "zoritxarrez ahalegin horiek ez direla nahikoa izan istripua saihesteko".
Greziako larrialdi zerbitzuak ezbeharraren lekuan, lanean. Argazkia. EFE
Larisako (Grezia iparraldea) tren-geltokiko arduraduna atxilotu dute, Tempe herrian (Greziako erdialdea) izan den tren istripuan zerikusia duelakoan. Bi trenek talka egin dute aurrez aurre, eta dagoeneko 40 hildako zenbatu dituzte.
Ezbeharra gauerdian jazo da, bidaiarien tren batek eta merkantzien beste batek elkar jo dutenean. Lehen hipotesien arabera, bidaiarien trena —350 pertsona zeramatzan Salonikatik (iparraldea) Larisara (erdialdean)— ez zegokion trenbidean sartu da eta aurrez aurre jo du merkantzien trena. Kolpe bortitzaren ondorioz, lehenengoaren hiru bagoi errailetatik atera dira eta su hartu dute.
"Lehen bi bagoiak ez dira existitzen", azaldu dio Kostas Agrastos Tesalia eskualdeko gobernadoreak ERT kateari. Aurreratu duenez, zaurituen artean erredurak eta mutilazioak dituzten pertsona ugari daude.
Bestalde, Giorgos Manoli Tempeko alkatearen arabera, hiru bagoi horietan 1.200-1.500 ºC-ko tenperaturak izan dira.
Zure interesekoa izan daiteke
AEBk Raul Castro Kubako presidente ohia inputatu du 1996an bi hegazkin erasteagatik
Duela berrogei urte, Kubako ehiza-hegazkinek Floridako itsasartean Anai erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Flotillaren abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da, Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko bidaia egingo du eta, tartean, Xi Jinping Txinako agintari nagusiarekin bilduko da. Ekialde Hurbila eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute; horietako batzuk, energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.