Zortzi pertsona hil dira tirokatuta Hanburgoko Jehovaren lekukoen zentro batean
Zortzi pertsona hil dira eta zortzi zauritu bart Hanburgon (Alemania iparraldea) Jehovaren lekukoen zentro batean tirokatuta. Erasotzailea Jehovaren Lekukoen kide ohia zen eta bere buruaz beste egin du, Poliziak jakinarazi duenez. Hamazazpi fededun onik atera direla zabaldu dute bertako hedabideek.
Biktimak 33 eta 60 urte arteko gizonezkoak eta emakumeak dira, baina zazpi hilabeteko jaio gabeko bat ere tartean dago.
Segurtasun Indarrek 21:00ak aldera jaso zuten tiroketaren abisua, eta tenpluaren inguruan zegoen polizia patruila bat bertaratu zen, Gros Borstel auzoan.
Jehovako lekukoen zentroa Deelboge kalean dagoen, eta astean bitan elkartzen dira fededunak Erreinuaren Aretoan.
Peter Tschentscher Hanburgoko alkateak "izugarri"tzat jo du gertakaria, eta segurtasun indarren lana goraipatu du. Zentzu berean, Olaf Scholz Alemaniako kantzilerrak "indarkeria ekintza bortitza" gaitzetsi eta elkartasuna adierazi die biktimen gertukoei. Ylva Johansson Europako Batzordeko Barne komisarioak, berriz, erasoa "mespretxagarria" dela adierazi du.
Armak edukitzeko baimena
Erasotzaileak bere buruaz beste egin zuen Polizia iritsi zenean, eta baimendutako arma bat erabili zuen sarraskia egiteko, agintariek jakinarazi dutenez.
"Erasotzaileak lehenengo solairura ihes egin zuen, eta bere buruaz beste egin zuen. Horregatik, guztira zortzi dira hildakoak", adierazi du Andy Grote Hanburgoko Barne zinegotziak prentsaurreko batean.
Agenteak bertaratu zirenean erasotzailea ihes egiten ikusi zuten, eta ondoren hilda aurkitu zuten, tiro bat zuela, eta arma aldamenean, azaldu du Mathias Tresp polizia-operazioaren zuzendariak. Poliziaren erantzun azkarrari esker erasotzailea "isolatzea" eta hildako gehiago izatea galarazi zutela azpimarratu du Trespek.
Philipp F. da erasotzailea. Ez omen du inolako aurrekari penalik, eta armak edukitzeko baimena zuen kirol tiratzaile moduan. Sarraskia egiteko bere izenean zegoen arma bat erabili zuen, eta bere etxebizitzan munizio ugari aurkitu dute.
Oraindik argitzeko dago krimenaren zergatia, baina Poliziak ez du uste arrazoi politikoengatik egin izana, baizik eta kontu pertsonalengatik.
Philipp F. Jehovaren lekukoa izan zen, baina kongregazioa utzi zuen duela urte eta erdi inguru, "bere kabuz, baina ez modu onean", Thomas Radzuweit Krimenak Ikertzeko Bulegoko bozeramailearen esanetan.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.