Silvio Berlusconik leuzemia du eta zainketako berezietan daukate biriketako infekzio batengatik
Italiako lehen ministro izandakoa eta Forza Italia alderdiko liderra, Silvio Berlusconi, Milango San Rafaelle erietxean dago ingresatuta, zainketa intentsiboen unitatean, biriketako infekzio baten ondorioz. Bere osasunaren ardura duten medikuek leuzemia mielomonozitiko kronikoa ere badaukala baieztatu dute ohar batean.
Asteazken goizean eraman zuten Berlusconi erietxera "duela denbora bat pairatzen duen egoera hematologiko kroniko baten barnean kokatzen den biriketako infekzio bat tratatu ahal izateko", medikuek argitaratutako informazioak aditzera eman duenez. Ohar horretan sendatzeko estrategiaren gaineko zehaztasunak ere eman dituzte: "hiperleukozitosis patologikoak sortzen dituen eragin negatiboak mugatzeko eta aurretik zituen baldintza klinikoak berreskuratzeko helburua duen tratamendu zitotxikitzailea" jarri diote biriketako infekzioaren aurka egiteko.
Forza Italia alderdiak ohar baten bidez jakinarazi du Silvio Berlusconik telefonoz hitz egin duela hainbat alderdikiderekin eta euren lanean sendo jarrai dezatela eskatu diela, "herriak behar dituelako". Hauek leialtasuna adierazi diotela eta "azkar osatzea" opa diotela ere jakinarazi du.
86 urteko enpresari eta politikariak gaur egungo emaztea, seme-alabak eta anaia ditu ondoan erietxean.
Silvio Berlusconik hainbat auzi ditu zabalik epaitegietan. Hala ere, Italian pertsonaia publikoa izaten jarraitzen du. Azken hauteskundeetan senatari kargua lortu zuen eta bere alderdia Giorgia Melonik gidatzen duen Italiako Gobernuko parte da.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.