Dagoeneko 288 pertsona hil dira Indiako ekialdean izandako tren istripuan
Indiako ekialdean izandako tren istripuan hildakoen eta zaurituen kopuruak gora egin du azken orduotan, eta dagoeneko 288 hildako eta 900 zauritu zenbatu dituzte, horietatik 56 larri daude. Tokiko agintariek azaldu dutenez, erreskate taldeak lanean dihardute, eta India ipar-ekialdeko ospitaleetan artatzen ari dira zaurituak. Bitartean, ikerketa abiatu dute, gertatutakoa argitzeko asmoz.
"Uneotan, erreskate lanetan murgilduta gaude, zaurituei arreta onena ematen eta haien senide eta ingurukoei gure esku dagoen informazioa helarazten", azaldu du Ashwini Vaishnaw Odisha estatuko Trenbide ministroak, istripua jazo den lekutik. Ezbeharra atzo izan zen, ostirala, 19:20 inguruan (13:50 GMT), Bahanaga herriko geltokitik gertu, Odisha estatuan dagoen Balasore hirian (India ipar-ekialdeko kostan).
Tren istripuaren irudietan ikus daitekeenez, hamabost bagoi irauli ziren, eta erreskate taldeak bagoiak mozten saiatzen ari dira, barruan harrapatuta jarraitzen duten pertsonak artatzeko helburuarekin.
Testuinguru horretan, Indiako agintariek 288 hildako zenbatu dituzte azken balantzean, eta larrialdi zerbitzuek 650 zauritu inguru eraman dituzte gertuko ospitaleetara. Gauzak horrela, gutxienez 900 pertsona zauritu dira, Pradeep Jena Odishako idazkari nagusiak azaldu duenez, eta hildakoen kopuruak gora egin dezakeela ohartarazi du.
Sudhanshu Sarangi Odishako suhiltzaileen zerbitzuko zuzendari nagusiaren arabera, bidaiari-tren bat errailetik atera ondoren, iraulitako bagoi batzuk kontrako noranzkoan zihoan beste tren batek jo ditu. Ezbeharra, hiru trenen artekoa izan da: bidaiari-tren bi eta merkantziak garraitzeko beste bat.
Agintariek, oraindik ez dute argitu zerk eragin zuen istripua, baina Shalimar (Kalkuta hirian) eta Chennai (Tamil Nadu hegoaldeko estatuan) hirien arteko ibilbidea egiten ari zen lehen bidaiari-tren batek errailetik atera eta Yeswanthpur (Bengaluru) hiritik Howrah (Kalkuta) hirira zihoan bigarren tren batekin talka egin zuenean gertatu zen istripua.
Indiak 2016tik izan duen tren istripurik larriena da. Orduan herrialdearen iparraldean tren bat errailetik atera zen. Gutxienez 138 pertsona hil eta 200 zauritu ziren, azken urteetako istripu larrienetako batean.
Tren istripuak ohikoak dira Indian. 2020an 13.018 ezbehar gertatu ziren, eta horietan 11.986 pertsona hil ziren eta beste 11.127 zauritu. Istripuen % 70 talkak izan ziren.
Indiako trenbide sarea, 68.000 kilometroko ibilbidearekin, munduko laugarrena da luzeran, Ameriketako Estatu Batuen, Errusiaren eta Txinaren atzetik, 21.650 tren eta 7.349 geltoki ditu herrialde osoan, eta egunero 23 milioi bidaiari inguru garraiatzen ditu.
Zure interesekoa izan daiteke
AEBetako bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.