Errusiaren lehen arma nuklear taktikoak iritsi dira Bielorrusiara
Vladimir Putin Errusiako presidenteak gaur esan duenez, lehen arma nuklear taktikoak Bielorrusiara iritsi dira, beranduenez urte amaieran amaituko den prozesu baten baitan.
"Lehenak (arma nuklear taktikoak) Bielorrusiara eraman dituzte. Uda amaieran edo urte amaieran, prozesu hori guztia amaituta egongo da. Baina disuasio-neurri bat da", ziurtatu du Putinek San Petersburgoko Nazioarteko Ekonomia Foroan.
Duela astebete, Putinek esan zuen armamentu nuklear taktikoa Bielorrusiako lurraldean uztailaren 7tik 8ra bitartean zabalduko zela.
Sergei Shoigu eta Viktor Jrenin Errusiako eta Bielorrusiako Defentsa ministroek, maiatzaren amaieran, Minsken, sobietar errepublika ohiaren lurraldean estrategikoak ez diren arma nuklearrak biltegiratzea arautzen duten dokumentuak sinatu zituzten.
Joan den martxoan, Kremlineko buruzagiak akordio bat iragarri zuen Alexandr Lukashenko Bielorrusiako homologoarekin, herrialdean arma nuklear taktikoak zabaltzeko, eta horrekin azkartu egin du azken bi urteetan defentsa-politikaren integrazioa.
Bielorrusiako militarrek, apirilean, Iskander-M misilentzako munizio berezi taktikoen erabilerari buruzko prestakuntza jaso zuten Errusian, arma konbentzionalak ez ezik nuklearrak ere erabiltzeko gai direnak.
Hilabete horretan bertan egin zuten Bielorrusiako indarrek Su-25 eraso-hegazkinak erabiltzeko entrenamendua, eta arma nuklear taktikoak eramateko ekipatu zituzten.
Errusiako Defentsa ministroak argi utzi du Moskuk ojiben gaineko kontrola eta balizko erabileraren erabakia mantenduko dituela.
Kremlineko buruak gaur berretsi duenez, behin baino gehiagotan adierazi du arma nuklearrak Errusiak erabil ditzakeela soilik lurraldearen osotasunari, independentziari, subiranotasunari eta Errusiako Estatuaren existentziari mehatxu eginez gero.
"Arma nuklearrak Errusiako Estatuaren segurtasuna eta existentzia bermatzeko sortu dira. Baina ez dago horiek erabiltzeko inolako asmorik", azpimarratu du.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.