Villavicencio, Correaren kontrako mugimenduaren irudi izan zen ikerketa-kazetaria
Fernando Villavicencio Ekuadorko Movimiento Construye alderdiko presidentegaia tiroz hil dute, Quito hiriburuan mitin bat eman ostean. 59 urteko hautagaia sindikalista izan zen gazte garaian, eta, besteak beste, herrialdeko petrolio enpresa nagusiko langileen federazioan aholkulari gisa aritu zen hainbat urtez. Ezkerreko mugimenduekin lotura estuegia omen zuelako kaleratu zuten.
Kazetaritza ikasketak egin zituen oso polemikoa izan zen eta egun itxita dagoen unibertsitate batean. Ustez diruaren truke tituluak banatzeagatik salaketak jaso zituen zentro horrek. Nolanahi ere, ustelkeriaren kontra argitaratu zituen artikuluek eman zioten sona Villavicenciori. Bereziki, Rafael Correa presidente ohiaren (2007-2017) eta haren administrazioko kideen jarduna ustelkeriarekin lotzen zuten ikerketa lanak plazaratu zituen. Ekuadorrek egun dituen krisien erantzule nagusitzat jo zuen Correa, eta "antikorreismoa" izenarekin ezagutzen den mugimenduaren irudi bilakatu zen.
Ameriketako Estatu Batuetako Gobernuak Ekuadorren duen enbaxadarekin harreman estua izan zuen, eta hori izan zuen iturri nagusietako bat bere salaketak baieztatzeko. Berak azaleratutako ustelkeria kasuen ondorioz, Correa eta haren lantaldeko zenbait kide zigortuak izan ziren.
Politikara jauzi egin aurretik, Ekuadorko Asanblea Nazionalaren Kontrol Batzordeko buru izan zen (2021-2023). Abuztuaren 20an egingo diren presidenterako hauteskundeetara aurkezteko erabakiaren atzean arrazoi nagusi bat zegoela esan zuen behin eta berriz: Correaren aldekoak berriro boterearen jabe ez egitea.
Askotan Guillermo Lasso Ekuadorko egungo presidentearekiko kritiko agertu bada ere, haren aldeko jarrera erakutsi du azkenaldian eta Lassoren "ofizialismoaren" hautagaitzat jo izan duten presidentegai zendu berria.
Chimborazo probintziako Alusi herrian jaiotakoa, Vanguardia aldizkarian aritu zen lanean, eta Clever Jimenezen Pachakutik indigenen aldeko mugimenduaren aholkulari politikoa ere izan zen 2009 eta 2017 artean.
Presidente izateko hautagaitza iragarri zuenean, "ustelkeriari eta gizartea makurtuta duen mafiei" aurre egitea zuela xede esan zuen. Ezkerrekotzat zuen bere burua bere ibilbidearen hasieran, baina egun zentroan kokatzen zen.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.