Wagner taldeko burua hil da bere hegazkina Errusian erorita
Hamar pertsona zeramatzan hegazkin pribatu bat erori da Errusian, Tver eskualdean. Errusiako hedabideen arabera, bidaiarien zerrendan Yevgeny Prigozhin Wagner mertzenario-taldeko burua zegoen.
Antza denez, hegazkinean zihoazen 10 pertsonak hil dira (orain arte 8 gorpu aurkitu dituzte). Dena dela, hilotzak kiskalita daude, eta, horrenbestez, DNA proba egin beharko diete identifikatzeko.
Wagner taldearekin lotuta ei dagoen Telegrameko kanal batek baieztatu egin du Prigozhinen heriotza: "Yevgeny Viktorovitx Prigozhin, Wagner taldeko buru eta errusiar heroia, hil egin da Errusiako traidoreen ekintzen ondorioz".
Errusiako Abiazio Zibilak ere baieztatu du Prigozhin hegazkinean zihoala.
Wagner taldeko buruak matxinada militarra abiatu zuen ekainean Kremlinen aurka, eta tropak Moskura bidean jarri zituen. Matxinada saiakera horretan, Errusiako hegoaldeko hiri handienetako bat, Rostov Don, indarrez hartu zuen. Azkenean, baina, onartu egin zuen atzera egitea, Aliaksandr Lukaxenka Bielorrusiako presidenteak bitartekari-lanak egin ostean.
Vladimir Putin Errusiako presidenteak traizioa egitea egotzi zion Prigozhini hasieran, baina ondoren harrera egin zion Kremlinen.
Harrezkero, misterioa izan da Wagner taldeko burua non izan den, eta asteon, adibidez, Afrikan zegoela iradokitzen zuen bideo bat publikatu du.
Erreakzioak
Joe Biden AEBko presidenteak esan du istripuak ez duela harritu. Adierazpen horiekin batera, Vladimir Putin Errusiako presidentea aipatu du, istripuarekin zerikusia duela iradokiz, baina ez du zuzenean salatu: "Errusian gertatzen diren gauzen artean, gutxitan ez dago Putin atzean, baina ez daukat nahikoa informazio erantzuna jakiteko".
Ukrainak ildo beretik jo du Vladimir Putin Errusiako presidenteak eliteei "seinale bat" bidali nahi izan diela esanez, datorren urteko hauteskundeetarako aurkaria "ezabatuta".
Mikhailo Podolyak Ukrainako Presidentetzaren aholkulariak duela bi hilabete Prighozinek Putin desafiatu izanarekin lotu du istripua, honakoa esanez: "Argi dago Putinek ez duela inor barkatzen". "Kontuz! Desleialtasunak heriotza dakar", ohartarazi du Podolyakek.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.